المشاركة الأصلية كتبت بواسطة بن دايم

من وين اخوي ؟
انا اختك من قطر

كم عمرك ؟
عمري 28
في احد من اهلك حصل له نفس مشكلتك ؟
من اهلي عندي جدي يعاني من وسواس وقلق من سبع سنين
واختي الكبيره مرت بوساوس وحالات خوف وراحت منها
ابوي سمعت من امي ان زمان مرت فيه وساوس من الامراض خاصه بعد اصابته بالضغط لكن احنا كنا صغار وما نتذكر
انا شفت جدي واختي وهم يعانون هالمعاناه
واتوقع لذلك صار سهل اني اصاب بمثل هالحالات


وانا مريت بشي بسيط من حالات توتر وقلق قبل سنوات بس الحدة والمده اقل والاسباب مختلفه

لكن بعد ما تزوجت من 3 سنوات جاتني هالحالة مرتين وهذي المرة الثانيه
الى الان يجيني قلق من نوبات الهلع ان ترجع لي
واخاف اروح اماكن عامة يجيني دوار واحس بيغمى علي
وكانت تجيني افكار اني مب حاسه بشي ومب فاهمة الدنيا
ولما قريت عنها في المنتدى فهمت حالتي

الحمدلله الحين اخف لكن كل يوم انتظر ان يروح مني اللي احس فيه نهائيا
صار لي تقريبا شهرين ما اسوق السياره من بعد 8 سنين سواقه وحياتي تعطلت لهالسبب


.
ماتحتاج علاج على حسب الحاله وحسب قوتك
يعني اذا استسلمت للحاله يكون الوضع صعب
او اذا كانت الحاله معك من اكثر من سنه
بالنسبه لالم الخصر وخوفك من الكلى كلاك مافيها الا العافيه
انتبه وانا اخوك تعطي الوسواس وجه