|
تجربتي مع السبراليكس و أريد رأيكم و مشورتكم للمجربين
السلام عليكم
أعاني من الهلع من خمس سنوات و زادت علي الاعراض و اشياء كثيرة ما كنت اخاف منها صرت اخاف منها ، مثل السفر خارج المدينة او السفر بالطائرة او السفر بالسيارة هذي الاشياء كلها صرت اخاف منها ، و اقيس نبضاتي و ضغطي كل شوي.
المهم رحت للطبيب النفسي و صرف لي سبراليكس و كنت خايف منه و توكلت على الله و بديت فيه بخمسة ملجم و مرت اسبوعين و لا حسيت بأي تغير و رفعتها لعشرة بناء على كلام الدكتور و تحسنت شوي و رحت لموعدي معه و قلت له انا مرتاح على جرعة العشرة ملجم بس باقي ما اقدر اسافر قال لازم ترفعه لعشرين رفعته لعشرين و لي الان اسبوعين و نص على جرعة العشرين .و استخدم معه كونكور 2.50 للخفقان .
اللي تغير أني زاد وزني شوي و زاد القلق و التوتر و الخوف و كل شوي اقيس ضغطي و نبضاتي و زاد النوم و الخمول و رجعت للتدخين بعدما تركته لي الان سنة و لا حسيت بأي تغير للأفضل .
موعدي مع الدكتور بعد اسبوعين
وش رايكم يا مجربين ؟
هل أنا في الطريق الصحيح ؟
هل أصبر عليه و الا اطلب تغييره ؟
كم المدة اللي ممكن يستغرقه الدواء حتى أشعر بتحسن ؟
و شكراً
|