نفساني - عرض مشاركة واحدة

23-02-2017, 03:43 AM

انا نفس طريقة تفكيرك و شعورك لكني اربطه بالوقت و الزوال و شوي ارتاح .

مثلا اقول ان الشخص او المخلوق اللي يعاني يبي يزول ألمه مع الوقت ، ما راح يتألم عمره كله ، إما ينتهي الألم و يزول او ينتهي الكائن لا قدر الله بالموت و يرتاح .

و كلا الأمرين مسألة وقت .

حتى الولادة اللي صنفت اشد الآلام بعد الحرق كلها ساعات و تنتهي .

من رحمة الله على عباده ان حتى الالام الجسدية و النفسية تشتد و تخف الى ان تزول حتى لو رجعت تبي تزيد و تخف و تزول و هكذا
حتى الاوجاع ماهي دايمة سبحان الله

كنت دايم افكر بالمشردين و الم الجوع و البرد اللي يعانوه بس يوم ربطته بالوقت ارتحت .
صرت اقول مهما عانوا و طالت فترة المعاناة لابد يزول الجوع بالشبع لو بعد فترة طويلة ، او تزول الالام كليا بالموت .
هي كلها في النهاية مسألة وقت و تعدي .

لو تأملنا حياتنا الماضية طول هاك السنين لوجدنا أن فترات الراحة اكثر من فترات الألم لان الذي يتولانا و يدبر امورنا ارحم الراحمين .

و اسأل الله الكريم ان يجنبنا جميعا آلام الدارين و يجنبها جميع المسلمين
اللهم آمين