زعلان انك بتاخد حبوب نفسيه ومش زعلان انك بتاخد بانادول والا حقن للامراض المختلفه
زعلان على برشامه تخليك نشيط وتفك ازمتك ومش زعلان على خلع ضرس

خلاص ولا يهمك عشان خاطر الناس ونظرتهم ليك ما تاخد اي حبوب نهائي
واتعب واتألم واتحمل

يا أخي لا تلتفت للناس
الحبوب زي اي حبوب تماما مش هتفرق نهائي هتفك ازمتك وتحسن وضعك
انت مالك ومال الناس اصلا
الناس مش حاسين بالاحساس اللي انت بتحس بيه والمعاناه اللي بتعانيها
الامراض النفسيه زي اي مرض بيصيب الجسم الجهاز العصبي المركزي جزء من الجسم يصيبه الامراض زي اي جهاز في الجسم
ايه المشكله مش عارف

انا اهوه كان عندي نوبات هلع وعانيت معاناه رهيبه فوق ما تتخيل
ومع ذلك اتعالجت واتجوزت وخلفت وخفيت والحمد لله وقطعت العلاج
وعايش حياتي احسن من الاول
ايه المشكله مش عارف

توكل على الله وخد العلاج وباذن الله هتبقي فل الفل