|
اول زيارة لطبيب نفسي في حياتي
مرحبا جميعا،
اليوم كانت اول زيارة الي لطبيب نفسي، كل الي شفتهم من قبل كانو باطينية وقلب. المهم اليوم شرحتله كل حالتي وقصة حياتي كلها، الدكتور حكالي انو انا أعاني من القلق والتوتر العام، وشرحلي انو الأعراض ممكن تكون جسدية (دقات القلب والصداع والام المعدة والاطراف الخ) ونفسية ( التفكير الدائم بالامراض والموت والحياة والوساوس بشكل عام). حكالي انه الحل هو علاج دوائي او سلوكي معرفي، والسلوكي المعرفي مافي احد في الاردن يتقنه ونصحني ابلش علاجي.
كتبلي وصفه فيها دوائين سوليكس 60 ولورانس، سألته ليش ما صرفتلي سيبرالكس او دوجماتيل حكالي، انت بدك تعالج الحالة تماما وتتحسن معناته لازم توخذ هذول الأدوية، حكالي انو السوليكس عيار واحد فقط توخذو على طول انا السيبرالكس توخذ عيار بعدين ترفعه وهكذا، فبوجهت نظره السوليكس انسب لحالتي. واللورانس اوخذه مساءا لمدة أسبوع واوقفه.
المدة الي قررها للعلاج هي ستة أشهر وان شاء الله ربنا بتكبلنا الشفاء جميعا.
حبيت أشارككم تجربتي وان شاء الله اطلعكم على التطورات شوي شوي. واليوم بلشت بالسوليكس
|