اقتباس:
المشاركة الأصلية كتبت بواسطة رسوم متحركة
أفا يا ذا العلم ههههههههه قريبك يبغاله من يعلقه بكرعانه بالمروحه و يشغلها على 1 هههههههه
هو صحيح لازم لنا من وظيفة لكن المشكلة يا فيصل هو تقلب المزاج ساعة يرتفع و تقول لنفسك بكرة راح أدور على وظيفة و تصمل ثم ينقلب مزاجك و يخفس بأم الهمه و النيه و تقعد بها مع ذا المزاج العكر أيام
هههههههه يا قبحه الله طيب المهم لا تشيل هم و دور بنفسك على سعوده ثانيه و الله يتمم لك على خير و إذا زانت أمورك شد حيلك على وظيفه
أنا وظايف بالهبل عندي و لا عندي عزيمه أسوي و أطور نفسي لكن ما يهم مالنا إلا نجاهدها و نكسر هالخمول و التعب باللي هي به عندي سعوده مآخذها بالدس ماني مسجل فيها عبر التأمينات و معاش الضمان و التأهيل
بس ماني براضي عن حالتي أبد الآبدين جالس في البيت أعقب و الله مهيب لي هالسواة الخايسه
أصبر و يزينها ربك و أهم شي تفاول بالخير و إن بعدت عنك الحظوظ حاول تسعد نفسك و تمنيها بالخير و إبشر بالخير من الكريم سبحانه
الحمدلله على كل حال
|
الان السعودة قليلة جدأ .. المشاريع وقفت بـ سبب الهبوط الكبير بالميزانية . لان سعر النفط نزل من 150 الى 48 دولار
ومعروف ان الوظائف تقل .. اذا ضعف الاقتصاد
انا طفشت ومليت و كره الحياة .. يارجل المرض جاني وانا عمري سنتين
ومن بديت افتح على هالدنيا وانا عايش بخوف و قلق
وكل ما اكبر كل ما يزيد الخوف و القلق .. ضاع المستقبل
احتمال بكره تحصلني امشي بالشوارع مثل مجنون