المشاركة الأصلية كتبت بواسطة مبهم

شكلك قريت كلامي بسرعه فتخيلتني معصب انا كنت مستعجل واللحين بفصفص المقصد من كلامي ... والاعتذار والله انا م غلطت بشي بالمقابل مو حاب احد يزعل والا شي فآسف ودني غلطان والا ملاك ...
المهم حبيبي القوي الشجاع ماني عرفان اسمك ياريت تقلنياه اسهل واحنا نجاوبك او نحكي .. عمري 20 واسمعني او الصح شوف المقصد من كل ردودي بمواضيعك
حبيبي انت من سجلت بالموقع كنت تكتب اعراضك او معاناتك بالتقسيط فما كان واضحلنا شو اعراضك غير عن كدا اللي بين معي من كل كتاباتك واسلوبك وطريقة استخدامك لمصطلحاتك واللحاحك احيانا انك مشتت . لا تزعل من كلامي لاني فعلا مريت فيه وصدقني انا معاناتي مثلك بالضبط فرق التفاصيل والاسباب وكيف تقبلنا هالشي وكيف كانت ردود افعالنا .. انا معاناتي من عمر 8 سنوات وعايش عليها لوحدي انت ما تقدر تفهم الاكتئاب صح فيه نوع من التناقض يعيشه مريض الاكتئاب وقلق ورهاب وهلع ووسوسه وهلاوس وحديث نفس وتفكير طويل وارق وقلة اكل وقلة اهتمام ورغبه بالبكاء شوي شوي ويصير ما يقدر يبكي وشوي شوي يصير ما يبي اصلا يبكي قبل كان يتضايق ومع الوقت يتبلد ومع الوقت يفرغ من الداخل وشوي ويصير خاوي تنح ويضعف التركيز وتضيع الاهداف وتموت الرغبه وتضيع اللذه واليوم يشبه اللي قبله .. تكره اللي تحبهم فجأة وتحب اللي تكرهه فجأة مالك مود معين مالك هدف معين تلتزم وتلتزم وتلتزم وشويات وترجع حليمه لانحس من القديمه .. تشد حيلك وتتنشط وترجع انحس .. تطلع وتروح وتجي واخرتك اربع جدران تلمك .. تسوي الشي لانك لازم تسويه بس مو لانك تبي تسويه .. تقابل الناس وتتصنع العافيه والضحكه تدف الشرهه لانها لازم وبعدين ترجع حاط ايدك ع خدك وساند راسك للحيط .. تعبد ربك وتفتر يعاتبك ضميرك وتكسل تبكي لدرجة انك تسجد صدرك حار والدنيا بثقلها ع راسك تقول يا رب يا رب يا رب بس تقول يا رب ما تدعي لانك ما تدري من اللي فيك وش تبي تدعي والا وش تبي تقول .. تنقهر تكره نفسك تكره اليوم اللي شفت نفسك فيه .. تعامل الناس ف حياتك واحتياجاتك اليوميه ( دوام .. حاره .. صلاه ... سوبرماركت ) زي المفوت زي التايه زي اللي هاه وهاه يعني شي غبي .. تفكر ف نفسك تلاقي نفسك م صرت تبكي ع حالك تستسلم وتنام و سرا الليل لا دراسه فالح فيها لا شغل فالح فيه ولا عيشه زي الناس ... تقلق وتخاف تنطوي و تشتم نفسك وسرا الليل ... تنتكس وتجيك الافكار الغلط بداية بالعادة السرية بعدها حبسة الغرفه بعدها الاغاني بعدها تخاف الله وتتقي وتصلي و تتسبح و تسمع القران والرقيه وما ودك تشوف الخلق هم ترجع حليمه لانحس م القديمه وبعد سرا الليل ..
شرايك بهالعيشه انت تنفصل عن نفسك هذا اسوء من انفصالك عن الواقع
الواقع مفصول عنه خلقه ... بس شلون تعيش مع نفسك وانت خلااااص منت بشي
اتمنى توصلك الفكرة لاني والله تعبت اتكلم واسف لو زعلتك صدقني والله والله والله وعساني انقبر ع هالحال وما اتشافى
لو تدري بهموم غيرك لتهون عليك همومك صدقني لو اجاوب ع اسألتك صح ومن جد لتبكي وتقول انا وشني جنبه احمد الله يا اخوي وتعوذ من ابليس امش ع نصايح اخوانك هم ادرى بحالك من طريقتك بالكلام
والله ما اهتميت لك مع اني اقدر اخليك وما ارد
الا لاني شفت فيك نسبة وهم انتبه منها تكفى تكفى تكفى صحصح
انت تعبان وباين لكن ركز ع تعبك لا تركز ع الاعراض كل ما طلعلك جديد نكبت نفسك حبيبي فيه اشياء واضحه تخلينا نعرف ايش علتنا مشكلتي معرف اوصف ولا افهم احد
والا كان ساعدتك
اخوك عقله منبق لا تشره
واسف لو ضايقتك بشي بس لانك حارقني الله شاهد اكتبلك ع ضيقه ربك عالم فيها