المشاركة الأصلية كتبت بواسطة ام سما

بالنسبه لي كان الاختلال في بدايته ماني ماشية على مويا او رجولي ماتلامس الارض احساسي بنفسي ينعدم لدرجه ماحس اني كائن بشري اصلا احس حاجز بيني وبين الناس كاني داخل زجاجه كل شي يتغير الاصوات الاشكال واطالع نفسي بالمرايه كاني ماعرفني ههههههههه ماحس باطرافي او كانها مو لي
وفيه شي مدري،يعتبر من اختلال الانيه او يقال عنه عدم ادراك الواقع اللي هو اطلع اشوف البيوت والسيارات كانها كاراتين والناس دمى اشوف مثلا الاثاث اجلس اردد اسماء الاشياء بيني وبين نفسي كاني اتاكد اني عارفتها اروح مكان جيته مية مره وكل مره كاني اول مره اجيه واعراض كثير تتغير باستمرار لكن الثابت هو عدم احساسي بنفسي واتسال كثير اذا طالعت بشخص كاني ماعرفه حتى وان كانوا اطفال

لكن الحين الحمدلله مرتاحه نفسيا واختفت اغلب الاعراض وايام احس اني طبيعيه وايام احس غشاوة تغطي راسي تجي معها بعض الاحاسيس الغريبه لكن اطنشها وتروح