نفساني - عرض مشاركة واحدة

18-03-2017, 06:34 PM

السلام عليكم ورحمه الله وبركاته
حياكم الله جميعاً , إن شاء الله تكونون بأتم الصحه والعافيه
الكثير يبحث عن الاعراض ويطابقها مع اعراضه عشان يتطمن وانا كنت وحده منهم
اليوم بختصر الموضوع.. وبحكي لكم عن مراحل الوسواس معي ( وسواس الموت )
اولاً :
بدأني الوسواس من سنه كانت تجيني نوبة هلع ..تستمر معي كم يوم وتختفي الحمدلله
الاعراض المصاحبه
- كتمة
- ضيقه صدر
-نغزات بالصدر بالجهه اليمنى واحيانا باليسرى
- الشعور بانسحاب الروح من الاطراف
- تفكير مستمر بقرب الاجل
-صداع
- غثيان
- انعدام الشهية
- عدم النوم بسبب التفكير والخوف المستمر
بدايتها معي كانت كذا وتجيني النوبه بين فترات وتختفي يعني تجيني كم يوم واجلس بالاشهر مافيني شي
بعدها من 6 أشهر تقريباً ..جتني نوبه هلع بنفس الاعراض الي ذكرتها قبل لكن باحساس وشعور مستمر بالموت..
يعني صرت كل لحظة تمر علي انتظر فيها ملك الموت ..وصرت كل شي اربطه بالموت
لما احد يكلمني من زمان ماحاكيته اقول اكيد بموت ..لما تتغير تصرفاتي اهلي معي رغم انها بالاصل طبيعيه اقول اكيد حاسين اني بموت ..
لما اسمع خبر وفاه اتعب واربطه بقرب يومي .. وعلى هالحال
طبعا بعد شهر من الاحساس المستمر ..وصلت لمرحله الجنون ..ما انام ولا اهتم حتى بنفسي ومالي خلق لاي شي ابد
رحت لدكتور وكان التشخيص ( قلق حاد من المستقبل بسبب التفكير في الماضي )
صرف لي دواء..
الحين نبدا مرحله العلاج..وانا اشوفها مرحله صعبه
اول اسبوع من العلاج : ماحسسيت باي شي وارتحت الحمدلله واستبشرت خير
ثاني اسبوع : رجعت لي الاعراض والتفكير المستمر وتعبت اكثر
ثالث اسبوع : خفت نوبات الهلع الحمدلله ..لكن معي بروود في المشاعر من داخلي قلقانه وفكره توديني وفكره تجيبني , انا خايفه لكن مو خايفه وعلى هالحال
رابع اسبوع: نفس الشي وكل يوم اكتشف عرض جديد
-رفرفه العين
- تنميل بالاطراف
-خدور باليدين
-ثقل بالراس
- هدوء لدرجه القلق
وكل يوم عرض وكل يوم فكره وكلها وساوس مهلكه ..تنكد عليك يومك كله
مع الاسابيع تأقلمت على الوضع وصرت اقنع نفسي انه مافيني شي وهذي وساوس
بعدها جاني مايمسى باللاواقعيه او اختلال الانيه ..تجيني فترات وتروح ماتطول معي
احس بغرابه واحس كل شي كبير ومزعج حتى الاصوات مزعجه احس كل الي حولي غير صحيح او غير موجود او غير وواقعي وافكار سسخخيففه للاسف ..
تجيني فترات اوسوس بصلاتي .. اوسوس بوضوئي وسريعا اتجاهله
الاعراض الي دايم تحصل لي ذكرتها
وهي اعراضه لامنتهيه ..لحد الهلاك
اما الافكارحتى لما اكون مرتاحه اقول اكيد بموت
حتى لما اقرا اذكاري ..اقول اكيد اني بموت
فكره الي يموت يحس قبل 40 يوم وهي استغفر الله خرافه والموت علمه عند رب العالمين
والافكار برضو لامنتهيه
افضل حل له..
ذكر الله دائماً..
التجاهل ثم التجاهل ثم التجاهل
عدم الاسترسال في الفكرة لما تجي وققطعها تماما من العقل والتفكير
محاوله اقناع النفس كل الي نحس فيه وساوس فقققط
انا الحين احاكيكم وفيني قلق
ما اقول شفيت تماما ..لكن الحمدلله ثم الحمدلله ثم الحمدلله حتى يبلغ الحمد منتهاه..انا في تحسسن صح ترجع لي الحاله لكن نقول قدرنا عليها وصرنا نعرف نتصرف معها
لازم نكون مؤمنين بقضاء الله وقدره ..وان الله اذا احب عبدا ابتلاه والي فينا ابتلاء من الله..
وقل لن يصيبنا الا ماكتب الله لنا
أسال الله العظيم رب العرش العظيم ان يشفيني ويشفيكم ويشفي كل مبتلى ..ويجعل ما اصابنا تكفير لذنوبنا ورفعه في درجاتنا
ان شاء الله اكون افدتكم لو بالشيء البسيط ..
وتمنياتي للجميع بالشفاء ..
محبتكم : راء المتفائله

صامدة رغم المحن ,أبو عبادي معجبون بهذا

المصدر: نفساني