نفساني - عرض مشاركة واحدة

22-03-2017, 03:23 AM

يارب عونك ضاق بي كونك

تمر احيان اتجاهل مصير ل حلمي المكسور
واهيم بدنيتي وحدي اعيش حظوظ ملعونه

اشوف اني عطا انسان خذا منه الظلام النور
زرع فيني القهر لمحه لوضع احوال مجنونه

متى حاولت اتناسى واجمع واقعي المنثور
تجيني الف جنيه تعيد اهموم مدفونه

كذا الدنيا تعودنا على حمل الاسى والجور
تناشبنا على البسمه فرحه قلب مسجونه

وشبنا قبل ما نكبر وشفنا من القصور قصور
على سر الحياه اللي سقت لي جرحي وكونه

تعبت امثل الادوار وتهت ولا ملكني دور
سوى اني غريب وصرت غريب بنفس مطعونه

ولا هي اللي عطتني خير ولا قد زينة شور
ادريبها على الفطره واناجي خالقي عونه

نهايتها على فكره متى ماصفق الجمهور
على نضم الكلام اللي زرع افكار مشحونه

المصدر: نفساني