المشاركة الأصلية كتبت بواسطة خالدددددد زمالك حاب اقولك شي انا من اطلاعي ل مشاركاتك اقول انك متشافي ولا غدى شرك ماشاء الله اللهم بارك ويتمم عليك بس سوال الحين انت ليه قاعد معانا والله نزيدك وناثر عليك ونمرضك نصيحه دام الله شافاك روح عيش حياتك وزمانك

عايز اقولك معلومه يا خالد
انا لما جاني الهلع قعدت اتابع المنتدي سنين اصابتي ولكن ما شاركتي ولا سجلت فيه تخيل لما اتشافيت من الهلع سجلت ولما انتكست كتبت ولما تشافيت نهائيا والحمد لله وقطعت العلاج من زمان أوي مازلت هنا
تعرف ليه يا خالد
لاني بصراحه عايز افيد الناس بالتجربه اللي مريت بيها
حياتي
أنا مصري مقيم بالكويت للعمل على فكره
ووجودي على المنتدى رغم الشفاء هو انه لازم افيد الكل بالتجربه وانصح الكل بما عرفته وقرأته وفهمته في سنوات الاصابه
صدقني يا خالد
الواحد محتاج حد ياخد بايده ويقف معاه
والا هتبقي انانيه انك ما تفيدش اخوانك بما تعرفه وتقرأه كتير بيعانوا ومش عارفين ازاي يتعاملوا وعندهم استفسارات كتير
وحتى اليوم مازلت اقرأ وأقرأ في الامراض النفسيه وطرق العلاج المختلفه دوائيا وسلوكيا
بالتالي اصول اني افيد الكل المسأله مش معناها اني اتشافيت اروح بقي اهرب
لا يا خالد
لست وحدك
الواجب والحق لازم اقف جانب الكل حتي يكتب الله لهم الشفاء باذن الله