نفساني - عرض مشاركة واحدة

03-10-2004, 12:45 AM

اسمع يا خيي وشنف اذانك كان لك اذان

اخيي هالذي فالحين فيه بس تعدد والا مسيار وانتم والله لو المراة تقسم ماعطيتوها حقها ما شفت ابوي مع اميممتي الا والله كنه شارله انعجه ويقول في وجهها لولا هالعييل لرميتك وجبت لي وحدة حمراء بيضاء مو مثل اشهبتك وامي والله وش احليلها ويوم يتزوجها شافها وتقول امي انه كان فرحان فيها

بس انتم يا الرجاجيل جيدين في الحكي الفاضي وتجون وتقولون هذا سنة وانتم نشوف السنن الثانية تاركينها لا والله صلالاة الفجر نصفكم والا ثلثينكم الفجر ما يقوم يصليها مع الرجاجيل يصليه في البيت مثل الحريم وزين ان قام في وقتها
يا خيي ربوا الحاكم وقصرو ثويباتكم اللي كنكم يا هالشباب اذا شفناكم في المملكة والا الفيصلية حريم تجرجر ملابسها ما خليتو شي للحريم حتى الحلاقين صارت مثل الكويفرات تتمسمسون وتتمكيجون وتحطون العطر والزقاير في اثاميكم
اعدل في زوجة وحده واحترموها وقولوا لها كلام حلو ويكفيكم بس كل ما طق عود قلت التعدد وش دخلخكم والله ان البنية تعنس احسن ما تصير بهيمة والا انعجة ثانية عندكم والله لو ان الواحد منك مثل اخلاق الصحابة
اخيي حتى اللي فيهم خير مثل زوج بنت خالتي متزوجن له ثانية والله انه ما يشوفها الا في الليل بس على طول هجهجه من مكان لمكان وكل ما قالت له وينك يقول الخبز مو موجود عندك في الثلاجة
اخييي اللي يبي يعدد تعددت روسكم في الارض وتناثرت اعظامك في الشارع لو ان ان زوجته عقييييم والا مريضة مررة وتعامله زين ويحترمها
يا خييي كلامك فاضي وينرفزنا يا الحريم ويضيق اصدورنا اللي يشوفكم يقول والله جمال مثل يوسف عليه السلام والا اقروش وش كثرها مثل الراجحي والا بنك الرياض فقر ودلغمة وقلة ادب وطوالت السان وجهن مثل وجه العنز وتبون بعد تتزوجون ثانية يا خييي ربو انفسكم والتموا بدينكم وترى الخير موجود في الصدقة والصيام التطوعي وعمل الخير وروحوا ودرسوا البزارين قران وعلموا الناس الخير مو تجون للضعيفات وتقولون نبي نسترها اللي يشوفكم يقول هالحريم عريانات وجايعات وانتم ماشاء الله عليكم اللي تنقذونهم والله يا خيي من تجي زوجة ثانية والامراض تدب في علابيها وصداع يخشل الراس ومرارة والله ما لوم الحريم لو تاخذ فارع وتطب في ابطونك واتفقع مرارتكم
اتق الله ولا تبربر تري ابي اطول الساني عليك هههههههههه