السلام عليكم بحكي لكم قصتي من البدايه
انا بنت ب18 من تخرجت من الثانوي وحياتي تغيرت
فجاه صعوبه بلع فجاه غثيان فجاه الام في البطن فجاه فزع من النوم
كنت قبل بنت شرهه بالاكل وسعيده ولحين صعبه اكب 3 وجبات واحيانا ما اكل
صار عندي نقص بالحديد ومشاكل وغازات سويت كل تحاليل ومنظار للمعده و4 دكاتره
كلهم قالو ان فيك مشكله نفسيه مافيه شي كل شي سليم كيف ؟
انا حالتي اول ماقوم من النوم غثيان وبعدها يروح تدريجي مع عدم الجوع
واحيانا الغثيان هذا يقومني من النوم واحس خلاص برجع ورحت دكتور باطنه
قلت هذي اكيد اعراض معده عطاني مضاد للغثيان ولحموضه وخفت لمده 5
ايام ويوم تركت الادويه رجعت بشكل اكبر صرت اقوم وانا مفزوعه
ودايما احس بالقلق ان عندي فقدان شهيه وبعض الاكلات اول ماكلها وانا
احركها في فمي يجيني غثيان وارميها ولا اكمل بعدها
وحطيت قي نفسي مليون مرض كل مافتح النت اقول هذا فيني اكيد
وجاني اكتئاب بسبب هذي الحاله كان عندي احلام وانجازات كلها طاحت
وصار على حالي هذا 6 شهور تعبت والله تعبت كل ماهلي يخططون لسفر
لاستراحات لوناسه استانس شوي واتذكر الي فيني وابكي
بعض البنات قالو عين لكن قريت اعراض العين مافيني شي وعادي مع القران
والاذان وغيره
على العموم اني اراجع دكتوره نفسيه وقالت الي فيك قلق مع العلم فيني عرض صعوبه البلع واحس اني اختنق
وعدم التركيز وعصبيه الشديده من اتفه شي فاكدت لي انها نفسي
واعطتني سيبرالكس وقالت 4 ايام 5 واليوم الخامس 10
لكن من اكلت اول يوم حسيت القلق عندي زاد واشتد صعوبه البلع
قلت ممكن من الاعراض وانتو ياعضاء تتوقعون اعراضي نفسيه ؟؟
وان ممكن في يوم ارجع لنفسي الطبيعيه من دون حبوب ؟؟
لان هنا كثير اقرا انهم ياكلونها لسنوات وانا متخوفه من هالشي
اني ماقطعها ابد وانا ابغا اقطعها واعيش حياتي طبيعي