المشاركة الأصلية كتبت بواسطة زملكاوي

انا اخوكم احمد من مصر متابع المنتدي من زمان اوي بس دي اول مشاركة ليا .. انا عندي 27 سنة وباخد ادوية من 10 سنين .. في الاول تشخيصي كان قلق حاد اخدت مضادات اكتئاب لمدة حوالي 5 سنين .. خلال الفترة دي دكتور كتب لي ديباكين 500 حسيت انه مختلف وانه هو دة العلاج بتاعي .. روحت لدكتورة كانت هي السبب بعد ربنا في تشخيص مرضي وبداية العلاج الصحيح شخصتني اني عندي ثنائي القطب من الدرجة التانية وبدءنا رحلة العلاج الجديد من 5 سنين تقريبا .. فضلت بردو فترة اغير في الادوية .. وحاليا علي لاميكتال 300 و200 سيروكويل و75 واندرال 20 .. انا بس فيه نصيحة من خبرتي الطويلة مع الادوية وعن تجارب شخصية .. المشكلة ان ممكن الشخص ياخد علاج معين يتحسن مثلا بنسبة 50 او 60 في المية .. فيطمع بالاحسن فيغير العلاج فيعيش في الاعراض الانسحابية للادوية القديمة والاعراض الجانبية للادوية الجديدة .. عيشت سنين في المرحلة دي .. النصيحة انك ترضي بنسبة التحسن حتي لو بسيطة ... الادوية بتساعد انك تعيش دة حقيقي .. انا الحمد اتخرجت من الكلية وخلصت زمالة امريكية وشغال في مجالي .. ومن غير الادوية اعتقد اني كنت زماني مش موجود دلوقتي .. تغيير الادوية سبب رئيسي في الانتكاسات .. ارضي بنسبة التحسن الضعيفة احسن من انك تعيش في الاعراض الجانبية للادوية الجديدة والانسحابية للادوية القديمة .. انا يعتبر عارف كل الاعضاء في المنتدي وتقريبا المنتدي جزء اساسي من حياتي اليومية .. بس حبيت اشارككم النصيحة دي يمكن ربنا يجعلها سبب في تحسن حد فيكم .. اتمني لكم الشفاء من كل قلبي .. واسف جدا علي الاطالة !