نفساني - عرض مشاركة واحدة

29-03-2017, 04:51 AM

ما نمت ..

ساعتين و يقوم كل اللي في البيت للدوامات..يسببون ازعاج مؤقت و ارتاح بعد ما يطلعون يصير البيت هدوء مدة 6 ساعات تقريبا بعدها يرجع نفس الازعاج و تبلش المقاومه للاصوات عشان اقدر انام .

اخذ اكثر من حبة زانكس احس تعطيني راحه مؤقته ساعتين تقريبا العوض و لا القطيعه احتمال امر الطبيب اطلب منه ليكسوتانيل عشان ما ادمن الزانكس ..

بحاول اسوي برنامج لليوم و اذا خلصته يكون انجاز?& مع اني اشك لان لازم اطلع من البيت و الطلعه من البيت بحد ذاته تسبب احباط لان كل شي نفس ما هو برا البيت و الطامه لما ترجع للبيت و تلقى ان كل شي على حاله احباط و خيبه ما اقدر اغير شي حتى لو حاولت تغيير بسيط يكون مؤقت و يرجع كل شي لسابق عهده اذا تغير اصلا نقرتين لعرض الصورة في صفحة مستقلة

اذان الفجر .. صوت الاذان و القران ما عاد يأثر فيني نفس قبل هل انا السبب ؟ دايما احس اني سبب كل شي غلط و سيء يصير معاي
لازم امر وزارة التجاره بعدين الشؤون و لازم امر البطاقه المدنيه اطلع بدل فاقد و لازم و لازم ...... تعبت. ابوي عنده خير بس ما يبي يخلي مندوبه يخلص معاملاتي و يساعدني سبحان الله ما كأني بنته عندي اجراءات كثيره محتاجه اخلصها بس المرض و التعب هد حيلي و الله بلاني باهل ما يرحمون..

موسيقى هاديه و اليوم كله بالسرير و العمر يمشي.. و ودي اقوله ماشي وين لس في قلبي كلام..

تذكرت اغنية انغام اللي تقول انا بين البينين ..لا انا قريبه و لا بعيده و لا نهاري بين له عينين..

صامدة رغم المحن معجب بهذا