نفساني - عرض مشاركة واحدة

04-04-2017, 01:49 PM

لا والله الا ظلم الوقت ياسعود
وأقفت غرابيل الزمان بحلاته

ارخى علي ثقله وانا منه مجهود
وعزي لمن وقته حداه بعصاته

كني سجينن لانفج رده قيود
عود مكانه وارتقد بحسراته

فالصبح نسعى نطلب الرزق والفود
ولا اقبل ظلام اليل واسدل عباته

توارد همومن على قلبي حشود
ورد الضماياء الي حداها صلاته

والماء تكدر عقب ماكان جرهود
متى على الله نحتسى من صفاته

لو انها بالحيل ما ابديت مجهود
لاشك حكم الي فريدن بذاته

والله لو خليت فلا انويت بصدود
اما يجوع الذيب ولا غناته

نبقى على العلياء ولو لحقنا كود
نقضي لزوم المعتني واحجياته

الخال جود وشايبي يفعل الجود
خطل اليمين الي خذينا صفاته

رحماك يا ربن له العالم سجود
يا مخرجن مال الفقير بزكاته

يفالق الاصباح يامجري النود
يافارض صومه وخمس صلواته

فرج على الي مامشى درب منقود
وكسب الجمايل ديدنه في حياته

انا احمدك عالعافيه وارتجي زود
نردع مخاطيف الزمن وعثراته

شاب الفتى والحيل مجهود يا سعود