المشاركة الأصلية كتبت بواسطة عبدالله سلمان

السلام عليكم

مرت علي أيام عصيبة ولكن كنت أستمتع باللحظات والأيام الجميلة .. حتى في وقت الوسواس اللي أعتبره كان أقوى من الإكتئاب اللي مر علي كانت تمر أوقات أستمتع بالأيام الجميلة حتى ولو خالطها أفكار تخرب الجو .. وكان شعاري من سنين طويلة هو ( الدنيا سهالات )


و كنت مهما صار حاط في بالي شغله .. وهي إن وضعي النفسي المتردي مؤقت .. لو أنطوي شهر كامل موقن انه مؤقت حتى مع ذيك التكّه اللي تمسك أعلى صدرك وحلقك وودك وقتها تشق هدومك .. و ربّ خلق ما ضيّع .. عندي دفاتر كلها شخابيط وذكريات ومشاريع .. كنت أخطط بشكل جدي ولو يجي واحد صاحي يشوف حالتي ويشوف كتاباتي ومشاريعي ممكن يفطس ضحك علي هههههههه


ومع ذلك كنت أصحي مرات وأنطلق ومرات ينهدّ حيلي واسكر الباب ولا يطلعني إلا شيء طاريء وقضية كبرى .. و حالياً إذا طلعت طلعات وناسه وعزايم أنبسط وما عندي إلا تهيّج القولون .. إذا خربتها بالأكل ممكن يخرب علي الجو


المهم يا إخوان رددوا سهالات مع كل ضيقة ومع كل كدر ومع كل همّ .. وراح تصير عادة بإذن الله وطبع شخصي .. ومن قال ضاقت ضاقت عليه الوسيعة


الله يسعد الجميع ويسهل أمورنا كلها ويلهمنا السكينة والطمأنينة

..