نفساني - عرض مشاركة واحدة

08-04-2017, 01:01 PM

اقتباس:

المشاركة الأصلية كتبت بواسطة رحماك يا الله

كنت اتمنى تردون علي بس الكلام ماراح يرد القدر والقضاء

الله كريم

السلام عليكم

انتي قلتيها يا اختي الكلام ما راح يرد القضاء والقدر .. وكذلك الحزن الحالي معك ما راح يغير بالواقع شي إلا إنه يتعبك ويخليك أضعف

وضعك الآن ولله الحمد طيب بعد ما تفهّم خطيبك الموضوع و واساك وطمنك .. وهو مو بس خطيبك ولد خالك مثل ما قلتي .. يعني شخص يهمّه أمرك حتى من قبل الخطبة

المطلوب منك حاليا تتعوذين من الشيطان ولا تتركين له المجال يحزنك بالوقت اللي المفروض تكونين فيه مبسوطة وحامدة وشاكرة لله .. ولازم تستشعرين الهمّ الكبير اللي سقط عن كاهلك من فضل الله ورحمته فيك .. فاستشعري رحمة الله لك والسعادة اللي ارسلها لك وانبذي الشيطان وأفكاره اللي يقطها عليك ويحاول انه يرجعك للخلف ويحزنك ويضعفك

لازم تستوعبين الآن انك المفروض تكونين سعيدة وايجابية ومتفائلة ومطنشة أفكار الشيطان .. وهذا فيه شكر لله انك تقبلين عليه وتطنشين إبليس

ولازم انك تكونين قوية وسعيدة ومقبلة على الحياة من شان تسعدين الإنسان اللي تفهّمك و احتواك .. أما ان كنتي خائفة وضعيفة ما راح يكون عندك الطاقة في انك تسعدينه وتنهكين نفسك نفسيا ومعنويا وجسديا

ولازم تتكونين مبسوطة لأنك ومن قبل لا تعيشين مع زوجك كان فيه محك واختبار قوي وحقيقي له واجتازه بكل نجاح وكان رجل بمعنى الكلمة يحبك ويحتويك .. تبارك الله

وأعيد وأكرر للمرة المدري كم .. لا تعطين الشيطان مجال انه يحزنك ويضعفك .. لأنك ما تستاهلين الحزن ولا خطيبك وهذا وقت الفرح والتفاؤل والإقبال على الحياة عسى الله يهنيّكم ويسعدكم .. وشعورك الحالي هو انك ما زلتي مو مصدّقة انك تجاوزتي محنة عظيمة وهمّ عظيم ... لذلك صدقي وانا اخوك وأكثري من الحمد بالأقوال والشكر بالأفعال لله ومن أهمها حاليا هو انك تنبذين الشيطان وأفكاره وتكوني مبسوطة وحامدة

..

رحماك يا الله ,Queen of my own معجبون بهذا