نفساني - عرض مشاركة واحدة

08-04-2017, 09:55 PM

لو افصلك واتفلسف شوي

البعد عن الله من اقوى اسباب الاكتئاب وليس الحزن !
ومن اعرض عن ذكري فإن له عيشة ضنكا ونحشره يوم القيامة اعمى
يأكدلك انو يوم القيامه حتكون اعمى في اسوء من كذا عذاب مؤجل كيف بالعذاب المقدم بالدنيا اللي هو الضيقه وقفلة الحظ والعيشه الضنك وكذا ..
هذا مفروغ منه
ليش الكفار ما يعيشون اكتئاب ؟ مين قلك والا ليش كثر عندهم الانتحار لدرجة في مراكز عندهم خاصه للي يبون ينتحرون ومكتئبين حتى هم اصلا ما يعنون انفسهم ويقولون بنعالجه والا نعطيه امل بالدنيا لا .. علطول ع قبره ويساعدونه يختار شلون يبي يموت بأبر والا غيرها شرايك !
في شي مهم احاول اوصله بس مدري شلون ينشرح
في ناس تعيش اكتئاب واكتئاب شديد وتخبط براسهم افكار انتحار مع كذا تشوفهم طبيعيين انا من هذولي الناس بس كيف انا اقدر اعيش حياتي طبيعي صدقني هذا سؤال من الاسئلة اللي ما حصلت اجابتها للان ؟ ممكن تبلد بمعنى كل اللي علي اسويه دوام اداوم مشاوير اخلصها اكل واكل و كذا لكن هل في جوتي حياة تخليني من الاساس احس باللي اسويه مافيه ؟!
تعرف الانسان اللي يكون جوعان وياكل لين ينطق وفجاة يلاقي الصحون حوليه فاضيه طيب مين اكلها هل لهالدرجة منت بحاس باللقمه داخله فمك طب انت تعرف ايش اكلت تتذكر شكل الاكل ف الصحون ايش هو طيب .. لا ما تتذكر شي ولا حسيت بطعم شي لدرجة انت لسا جوعان مع انك نسفت كل المطبخ !
هذا وضعي ادرس ولا كاني ادرس احل بالامتحانات وكان الورق ابيض البس ولا احس بطعم الكشخه ولا اهتم وهكذا
حتى الزوارات المناسبات تسلم وتتكلم بس فيك شي يخليك ودك تنزوي تترك الكل ولو كنت مجبور تجلس وسطهم يجيك حتى احساس ودك تحسد اللي حولك تعيشهم اللي انت فيه يستاهلونه بعد !
شي عمرك ما بتقدر توصفه لو اتكلم من هنا للقيامه

هل هذا من كمال عدل الله ؟
الله له في كل شي حكمه هل هو عدل او لا لا تسال هالسؤال لان ما لاحد حق يجاوب عليه
لكن تأكد الله ما يظلم احد

هل السيروتين يسوي كذا ؟
اذا جفافه يوديك للانتحار تتوقع يقصر ! طبعا لا

بغض النظر عن الاسباب اللي وصلت اي احد فينا لحاله اليوم بغض النظر ان كان حسد او عين او مس
انا رايي ان مافي احد خالي هالايام حتى ضحكة الواحد فينا ينحسد عليها وده غني والا فقير
وكون انك كنت بخير وعافيه ونمت وصحيت لقيت نفسك كذا فهذا لا استبعد كونه حسد او عين لان هالاشياء تكون فوجائيه او نقص مفاجئ بالهرمون ولعب بكيمياء جسمك وممكن
يكون فيه خلل احد ظلمته ودعاء عليك يمكن تكون اصلا هادي وعايش فبيئه مكهربه .. المرض المفاجئ حله بيد صاحبه يعرف الخلل وينه ويحاول يلاقي حل

واللي اكتئابهم بسبب ظرف او صدمه هذول يجاهدون بالدنيا
صدقني من اكبر مساوء الاكتئاب هو انك تجاهد تعرف اسبابه او تفهمه ع الاقل ولا تقدر !
سلام .

سائل الراحة ,امتياز معجبون بهذا