نفساني - عرض مشاركة واحدة

10-04-2017, 09:14 AM

وين الصديق اللي على الكود جزام ................. الليث بواج الخطر بالظلامي

على الفضيلة يبدل المشى درهام ............... وعن الرذيله ينحرف بانهزامي

مشيه على الطولات بالعزم قدام .................. و دايم على ساقة رفيقه يحامي

للاسف الصديق الوفي من النوادر .. او بمعنى اصح الاخ الوفي

حتى زمان يشكون مثلنا من انعدام الوفاء سبحان الله

ما يذكرون بعضهم غير عند المصالح ، مع ان المسلم بالذات يحتاج الاخ العضيد اللي يعينه على الدنيا و الدين ،

اللي ينصره ظالم و مظلوم يوم يقف معه عند الحاجة و يرده عن ظلم الغير و ينصحه و يذكره بالله ،

يوم يدعو له في ظهر الغيب و يكفيه شرف ان مو بس دعوته مجابة الا فوق ذا له مثلها ،

اللي يهون عليه مرارة الايام ، و يقضي حاجته ، و يسأل عنه ، و يستر عيبه ، و يدمح زلته

الحين و بمنتهى الالم الحسد اللي فرق بين الخلايق

و الشاعر يقول :

كل العداوات قد ترجو مودتها .............. الا عداوة من عاداك عن حسد

الحسد اللي دمر العلائق و قضى على صلة الارحام

بالله كيف ترجو من حسود انه يرضى عنك و يصفو لك ؟ ما هو عاد يساعدك

حسود ما يرضيه الا هلاكك و تعاستك

الحسد هذا ناتج عن قسوة القلب اللي تسبب فيها البعد عن الله و حب الدنيا و التكالب عليها و على المظاهر

الحسد اللي لولاه لكنا الان منعمين في فسيح الجنان ، يوم حسد الشيطان الرجيم ابانا ادم و تسبب في معاناتنا من الدنيا و بلاويها

و الحمدلله على كل حال

اسأل الله الكريم ان يرزقنا وياكم الصحبة النافعة اللي تعيننا على الدين و الدنيا و تأخذنا الى فسيح جناته جنة الفردوس الاعلى

اللهم آمين