المشاركة الأصلية كتبت بواسطة انعكاسات

يا جماعه انا يجيني تفكير انو مثلا لو سويت اشياء كثير
اقعد اقول بحسد نفسي وتجيني افكار انو بصكني عين 😭😭😭
اشوف ناس يمدحون انفسهم سويت كذا وكذا وكذا بس ما صار لهم شي
بس مدري ليه انا اخاف اتكلم عن الاشياء اللي اسويها
او بس افكر بالاشياء اللي سويتها اقعد افكر بحسد نفسي وكذا
بعطيكم مثال وراح تشوفونه سخييييف بس شسوي والله 😭
كنت اشرب كوفي (على العلم اني ماشرب كوفي كثير بس كان خاطري فيه)
المهم وتركته كان باقي فيه و بعد فتره اكلت تشوكلت وتذكرته و رجعت اشربه
لان الكوب كبير وباقي فيه النص تقريبا
فجأه جتني فكره انو بحسد نفسي على الكوفي وكيف شربته ..... الخ
على طول حسيت اني مره مركزه على نفسي بس مو مستوعبه اللي حولي
وحراره بجسمي والم ببطني
قمت من مكاني عشان انسى الفكره بس مدري كيف 😭
الوسواس ينتقل من شي لشيء ثاني