ا،السويدي

بيانات اضافيه [ + ]

رقم العضوية : 39248  تاريخ التسجيل :  06 2012  أخر زيارة : 17-04-2025 (05:42 PM)  المشاركات : 1,219 [ + ]  التقييم :  10

لوني المفضل : Cadetblue

.... ماعرف شسوي ؟

استحيت اكتب معاناتي
لاني والله احس بالخجل و القهر يوم اتذكر مواضيعي العام
و اتذكر نفسي في هالسنه ..
فجاءه حالي تغيّر ..
اتمنى والله اني ارد اعاني من الهلع و الخوف
ولا هالافكار ..
مليت من حياتي
اعاني من الوسواس اكثر من ١٠ سنين
كل سنه ادخل في وسواس يديد
كرهت نفسي و كل شي حولي
فقدت الامل .. يأست

و اصعب شي تمرين بكل انواع الوساوس في وقت واحد .. يكون بيني وبين الجنون شعره
كانت البدايه بس باني اكرر الوضوء
بعدين بديت اكرر الصلاه كل شوي
عقب بديت اشك بطهارة ملابسي و الخ

لكن هالسنه من اصعب السنين ..
دخلت في وسواس الافكار الجنسية .. بس ياليت كانت افكار فقط
انا وصلت اني اتخيل نفسي زانيه !! و اغتسل كل شوي
ما ابالغ اذا قلت عادي اغتسل في اليوم ٣ مرات
لكن الامر ليس فقط اغتسال !!
دخلت مره الحمام استحم و كنت طبيعيه .. الا ان ياني خيال باني مع احد الرجال و امارس الزنا
توترت و استحمت بسرعه و طلعت
ليتني اوقفت الخيال في ذلك اليوم كانت بتكون حالتي اسهل
لكني استرسلت و قعدت ادور ادله باني عفيفه و بريئه .. و من قوة الضغط اصبحت لا ارى سوى الخيال القوي
قررت استخدم التصوير كدليل ..
قلت بستحم و بشغل الكاميرا عشان اثبت لنفسي اني عفيفه من هالخيالات
لكني كنت غبيه جداً .. لان الآن اصبحت حياتي كلها عباره عن توثيق فيديو

اصبحت اصور نفسي كل ثانيه والله العظيم ما ابالغ بكلمة كل ثانيه
متخيلين ان اذا دقيقه ما صورت نفسي : اقول وين كنت في هالدقيقه ؟

بعض الغرف في البيت اصبحت لي فلم رعب
ماقدر ادخلها و لا اني اشوفها حتى .. لاني اتخيل نفسي

يمكن كان الامر بيكون هيّن اذا كانت مجرد افكار لان العلاج بيكون احقري الافكار و طنشي
لكن انا ؟ هالافكار اربطها بالاغتسال و الاغتسال اربطه بالتصوير

تعبت .. ودي اعيش حياتي مثل اي انسان طبيعي
يأكل يشرب يصلي ينام بدون تصوير
انا حتى الصلاه اصبحت لي هم
لاني وانا اصلي يأتيني الخيال و يقول : انتي ما قاعده تصلين انتي قاعده تسوين شي حرام !!

احس اني مجنونه .. مستحيل اي انسان عاقل فاهم يسوي الي اسويه !
قريت مواضيع .. كلها تقول : طنش و طنش

و كأنه التجاهل سهل ؟؟

ساعدوني ..

المصدر: نفساني