نفساني - عرض مشاركة واحدة

15-04-2017, 04:30 PM

قد جربت تكون انسان ف الثلاثين او الاربعين وبلحظة كنت طبيعي فجأة تصيح وتنهار وتطيح وتتقلب وتبكي بكاء طفل حتى مو طفل نحيييب !
قد جربت تخاف وتتوتر وتقلق تهرب من المكان اللي انت فيه او بالليل تلملم هدومك عليك تكره تشوف وجهك تكره تشوف النور الناس اقل صوت يزعجك يخوفك يربكك
جربت تكون انسان ناجح وتتكلم مع نفسك وتقول رح احاول اليوم اضحك واطلع واشوف الشارع بدون ما اخاف او اتردد
تلاقي نفسك مو قادر تفتح الباب وتبرد اطرافك و يتعبك بطنك

جربت تجي تنام وفجأة تبكي بدون سبب واحيانا تعصب وكل هاد بدون سبب
جربت تجلس ايام بدون اكل بسبب انو ما عندك رغبه
جربت احد يضمك او يحضنك بس منت قادر تحس بهالشي ويصعب عليك تبكي فتروح للحمام وتبكي ليش منت قادر تحس
جربت احد يقلك كلام حلو وتحتقر نفسك انو مو قادر تفهم هالكلام ولا تعرف كيف ترد لدرجة انو ممكن تكره انسان يحبك حب اعمى وللاسف كرهك لو مالو سبب غير انو يلادلك مشاعر انت مو قادر تحس فيها او ما تشبهك

جربت تلبس هدوم ولا تحس غير انها قطعه ع جلدك غير كدا ما تحس
الكشخه ما تفهمها ( لانو ما تعنيلك شي )
عندك استعداد تجلس بغرفتك شهر شهرين
عندك استعداد تجلس ساكت العمر كله
الاهتمام او النظافة ما تعرف ايش تقول عنها
جربت تغير جو تشتري شي جديد
تتعرف ع ناس غير العالم الافتراضي
يا اخي كل اللي اقلك ياه ولاشي ولااااشي جنبنا وجنب اللي نحس فيه
كين قلك احنا ما نحاول ؟
احنا نحاول اكثر منك ومن اي احد تفكيرو اعذرني مثلك
احنا نحاول نضحك
نحاول نبتسم
نحاول نحس بملبسنا وبأكلنا تصدق انو ممكن تخلص صحنك ولا انت عارف ايش اكلت ببساطه عقلك كان مشغول ( بولاشي ) وفجأة وعيت الصحن فاضي هههه !
تصدق نحنا نحاول نتزاور نروح للناس ونجي بس من كثر مو المرض اهلكنا صرنا نتحاشى العالم لانو اقل كلمة صارت تتعبنا
مو بالضرورة هاد التعب انو نبكي لا .. ممكن نضحك لا تستغرب
والا انت ما تعرف بالضحك من شدة الالم !
اي نحنا مرحين وفرفوشين والا انت تشوف الجانب السيء مننا تعال زورنا باليوميات ما حتلاقي اونس مننا
حرام عليك نصايحك فينا
انا اكلمك بهالطريقه لانو جد عمر الناصح اللي يهون او يقلل عمرو ما حيقدر يفهمنا
انا اشوفك انسان تهتم فينا وتحاول تنصحنا بس صدقني ما عرفت الاسلوب الصح
المكتئب شخص عزيز نفس عمره ما حيرضا ينصح بهالطريقه
تحسسنا باحتقار انفسنا بخيبتنا قد ما نحاول
بأنو احنا مثار للشفقه
شي يهلك صدقني اللي احنا فيه مو حساسيه
او انو حساسين
مافي اقسى من قلوبنا ع فكرة بنفس الوقت مافي افقه ولا انضج مننا ..
ما ادري وصلك المعنى ؟
لا تقول انت تتكلم خارج الموضوع انا اكلمك لشخصك
سيبك من انا اقصد و اقصد انا اتمنى تفتح عينك صح علينا
صدقنا احنا غير مفهومك
لا نقول طريقة تفكيرك وما تفكيرك اذا انت لسا مصر ع فكرتك
ونصيحتك وتحاول تبرر ( انو موضوعك لفئة علاجها بيدها بس ما تبي تتعالج ) فصدقني انت تلعب ع نفسك لانو احنا شايفين ردودك ع الاغلبيه كافيني ردك ع اقدم عضو بالموقع
اعتقد ما غلط لما طنش نصيحتك
انا مو جالس اتهجم عليك لكن فكر بالكلام
اذا ما تستوعبت ولا اقتنعت بكلامي ما اعتقد رح تقدر تفهم شي اكثر من كدا