نفساني - عرض مشاركة واحدة

19-04-2017, 05:24 PM

السلام عليكم ورحمه الله وبركاته
انا كنت اتعالج عند دكتوره نفسيه ووصفت حالتي بالذهان الاضراب الوجداني المهم حاليا تركت الدواء من ثلاث شهور وحالتي افضل واصلا اعراض الذهان غير موجوده فيا وكان تأثير الدواء في حاجتين انه قلل التفكير واذهب العصبيه الداخليه الحرقان الداخلي الحمدلله حاليا وضعي تمااام التمام افضل من قبل خصوصا بعد الخطوبه لانو انفتح باب الفرج من الله واستبشرت خير وتعافيت لمن كنت اخذ الدواء اقول ايش معنى انا اللي اخذ دواء وهاذي حالتي كنت اتنكد
المهم سؤالي هو كيف الدكتور او الدكتوره النفسيه معاكم هل فيه دعم معنوي ؟؟ هل فيه صحوبيه وصداقه ؟؟ هل فيه تذكير بالقرآن وبالله ؟؟
دكتورتي ما كانت تعطيني فرصه افضفض كلامه كلو عن الدواء وعن الاعراض اللي احس فيها تتكلم سريع ومستعجله والشئ التاني تسألني عن الجلسه التانيه على طول وتحاول يكون الموعد قريب جدااا عشان تبغى تكسب فلوس حتى اخر مره من لجيت عندها كان اليوم اللي قبل حصل الرؤيه الشرعيه من خطيبي جيت عندها وكنت متوتره واقلها اخاف يرفضني وانا عمري قرب الثلاثين ابغى اتزوج وكنت متوتره وانام بحبوب منوم قلق وثقل في الصدر يا الله ثقل كبييييييير بصدري وقالتلي زودي جرعه الدواء واعطتني دواء اضافي لرجفه القدم قالتتلي هذا تاثير الدواء عليكي وعلى طول تقولي تعالي جلسه تانيه عشان نتكلم عن الخطوبه والزواج هههههههه انا لسه شوفه شرعيه العريس ما وافق
بس تفكر بالجلسات التانيه واول مره جيت عندها بابا غلط وقال اعطيها رقمك ورفصت وضيعت الموضوع صحيح ما تبغى اتصالات وازعاجات من المرضى المريض ياخذ الجلسه ويمشي مالو حق يتصل ويشتكي
عموما هل في دكتور وقفك على رجلك وساعدك وكان مخلص وطيب وحنون
انا ايام مقاعد الجامعه كنت اروح اخصائيه نفسيه بنفس الجامعه ما كان في حبوب مجرد اخصائيه وفضفضه ويا الله كانت طيبه وتخليني افضفض واتكلم واتكلم وكان تهتم لامري وتسأل عني كانت طيووووبه الله يذكرها بالخير
طبعا الدكتوره كانت الجلسه ب 500 ريال لمده 45 دقيقه
هل فكره هاذي اول دكتوره نفسيه اروح لها واول مره بحياتي اخذ دواء
والمشكله بابا زهقني كا ما اقول ملل او زهق يقولي اخذتي دواء يحسسني انو الدواء سحر طيب يا بابا اريد اتكلم واحس بملل شو دخل الدواء بابا تعبني مع الدواء وفاهم الطب النفسي غلط

المصدر: نفساني