نفساني - عرض مشاركة واحدة

21-04-2017, 08:56 PM

من الطرائف اللي مريت فيها بذا المجال كود اوسع صدوركم

كانت عندي قطة عزيزة على قلبي و ما زالت ربي يحفظها مسميتها طعمة

هذي شاء الله انها تحمل قبل اجري لها عملية التعقيم ، لانها كانت صغيرة و ما توقعت تسويها من وراي

او انا من حبي لها حسيت انها لسة نونو صغيرة ، المهم من يوم تاكدت من حملها حكرتها عندي بغرفتي لين موعد الولادة

و جبت كرتون فاضي و فرشته بمنشفة قديمة تحسبا ليوم الولادة و حطيته تحت سريري

و بيوم و انا جالسة اتصفح النت بواسطة اللاب توب منشغلة اقرا و مندمجة الا و اشوفها تشيل شي من تحت و ترصه على الكيبورد

تمشي و ترص و فجاة اطالع ، و الا القى فوق الكيبورد خمس قطع لحم صغيرة ( عيالها )

طار عقلي و صرخت و قمت شلتهم رصصتهم داخل الكرتون و سدحتها ثم جبتهم جنبها حتى يرضعون و هي الدلخة مو فاهمة

اقوم من هنا و ترجع تشيلهم باسنانها و ترصهم عندي زي اللي تقول انتي تصرفي ما لي شغل

بالاخير حكرتها وياهم في صندوق تنقل ضيق و مافي مفر ، راضعين راضعين هههه

بالاخير ماشاء الله ما صارت تفارقهم و لكن للاسف مات منهم ثلاث خلال الاسبوعين الاولى من حياتهم و عاش اثنين