نفساني - عرض مشاركة واحدة

23-04-2017, 06:22 PM

الله يسعدك بسمه أهم شي جو الواحد ينطرب و البسوس تنطرب هههه

كثر ما فيني من حزن أعتدت عليه و أعتاد علي و أحس ببعضنا قبول أكثر من الفرحة

البارحه رحت ديوانية القهوة و الشاهي و أطلب لي قهوة مليانه قرنفل عويدي مسمار زر عاد مفردة الزر هذي عند هل الجنوب و أعتقد حتى أهل اليمن يقولون عليه زر

المهم مالك في الطويلة أشوف لي ثلاثة تاكين ع الكراسي و دلتهم و براديهم معهم

واحد منهم معنا في الحارة أتذكره يوم كان صغير بزر و حينها أنا بوقت الشباب و كنت أسلم عليه كل ما أشوفه أسلم عليه و يسلم علي سلام نظر و بالإشارة

ـ ( أعتدت على هذا الشيء كل ما أشوف ورع أشر عليه بيدي سلام و أبتسم ـ مزروع فيني حب الصغار ) ـ

الحين عاده بازل ما شاء الله عليه شاب و رجل بمعنى الكلمة بهي الطلعة نشيط الحركة متوظف و معين خير

فجاني شعور الله يا ما كان و الحين وين صار و أنا محلك راوح

شربت فنجالي و رحت ديوانية الشباب لقيت رفيق الروح جلست معه عطاني أخبار القرارات الساميه اللي نزلت و سوالف ثم جا واحد غثيث الروح و صرفت نفسي قلت لخويي أسأله أنت بتنام هنا قال ايه قلت خلاث أنا بروح عندي شغلة و أجي أبو ساعتين ثلاث قال أوك

رحت جيتكم ثم رجعت الديوانيه أطقطق ع الجوال ثم نمت ثم هو راح الدوام

صحيت ع الساعة 9 ثم رحت البيت

ثم جيتكم

فأنا أقولك الحزن طبيعة فيني حتى واحد من الشباب قالي من كثر ما أغانيّ و شيلاتي حزينه قالي يرحم أمك فكنا ههههههههه قالي أنت إنسان محكوم عليك قصاص عاجل
لأنه من سمع الحزن اللي أنا أهواه قالي هذا واحد محكوم عليه بالإعدام فأنا ضحكت و سمع معي و عطاني جوي

حلو بعض المجاملات توثق أواصر الأخوة و المحبة و كذلك بعض التغابي و كذلك التجاهل و كذلك الفزعة
و كلها مثل ما قلتي رياضة و هي أنا أسميها سياسة