نفساني - عرض مشاركة واحدة - نصيحة من طبيب أحبه جدا لازالت عالقة بذهني بخصوص الزواج !

27-04-2017, 12:48 AM

شوفوا الاكتئاب له علاج ، مع أدويتك راح تكون أكثر مشاعر واحساس ووناسه ، ولعلمك كل شخص حولك عنده بذرة اكتئاب ، وتنتظر المطر ، أنا قبل الاكتئاب زوج معقد لا أريكم إلا ما أرى ، والحمدلله أنا خبره مع كؤبي الله يحفظه 20 سنه ، لكن مافيه فلسفه في العلاج انا مثل مريض السكر لا أترك الدواء ، حبتين في اليوم عادي ، أولادي الحمد لله في الهندسة والطب ، وبعد كبكب صرت رومنسي ، أجيب ورد ، وأغطي زوجتي عن البرد،ونسافر ماخلينا مكان على وجه الأرض ، لكن صار لي مضاعفات وانحرفات من فترة والعياذ بالله وخاصة بعد ما شتريت لي عمارة جديدة ، معاي وسواس قهري يقولي تزوج ثانيه، تزوجوا ياشباب ويا شابات ، قبل الممات تلقى أحد يسأل عنك ويحبك ويرفق بحالك من أبناءك وبناتك ، تخيل ، انك تزوجت وحده صعبة المراس ورزقك الله ، ثلاث أطفال ، الثلاثة معهم قلوب تزين لك الحياه وتنسيك معاناة الزوجة الشرسه ، الحياه قصيرة ، لاتهمل ملذاتها ترى الخلافه في الأرض تعني ان تعمر الأرض وتعبده ، مكتأب غير مكتأب نصيبك مكتوب ، انت عاقل وتعالجت غيرك ما عنده تفقد لنفسه مكتئب وغاث الناس بإكتآبه ، الزواج ، سكن ، ومتعه ، وأولاد وبنات يغيروا مفهوم الحياه، حكاية أقول وما أقول ، لاتفكر فيها ، كفيله مدة الملكة والخطبه تكشف الأمور عندك وعندها ، والقدر ما منه مفر ، كيف متعايش مع والديك كذلك زوجتك اوزوجك ، غالب أهل الاكتئاب مع العلاج يكونوا أرق وأحلا الناس ويهتموا بالكلمة وتقاسيم وجوههم كلها رضا ، لكن بدون دواء انت بلاء ، معليش استحملني.