نفساني - عرض مشاركة واحدة

29-04-2017, 11:17 AM

امس قبل الفجر هلت علينا الامطار الحمد لله

صحيح انها رشاش بسيط بس يا زين رائحة المطر تغسل النفسية و تعدل المزاج و تستجلب حضور القلب أثناء الدعاء

فيه أمور و مواطن إجابة للدعاء منها لابد من حضور القلب و اليقين بقبول الإجابة لدرجة إن العلماء قالوا من شدة يقينك بربك إنك تحس إن ما يمديك تنتهي من الدعاء إلا و ربي مستجيب لك

و هذا اللي كان الصحابة الكرام رضوان الله عليهم يشيلون همه

كانوا يقولون نحن ما نحمل هم الإجابة نحمل هم الدعاء اللي يستجلب الإجابة

و أنا سبحان الله اكثر ما يجيني حضور القلب مع اليقين في موقفين :

وقت نزول الغيث

و عند إطعام جائع ، و ما شفت اكثر جوع من قطط الشوارع تلقاهم يصارخون غير مستوعبين قبل يحطون اللقمة في حلوقهم

لان حتى عمال النظافة الحمدلله في بلد الخير يبي يشيل الاكل في كيس و يأخذه معه لانه بوقتها ما بيكون جوعان في بلد الخير و الحمدلله

اما هؤلاء الضعوف عيونهم تبي تطلع على اللقمة قبل ترميها لهم من الجوع غير سيمفونية الصريخ قبلها

أبو نجلا معجب بهذا