المشاركة الأصلية كتبت بواسطة عيون متفائلة

جدتي الله يرحمها عجزت القى مثلها في البشر

كانت صديقتي و كل من لي

كانت حكيمة ما شفت احد بحكمتها من ذريتها

مع انها أمية لا تقرا و لا تكتب

كانت تحفظ من الاشعار و الحكم

قليلة الكلام الا في المفيد

ما عمرها طرت احد او اغتابته الله يرحمها

كانت يوم تسمع احد يطري احد بمجلسها تقول : اللي يبي يجيب طاري خلق الله لا يقعد بمجلسي و تتبعها بجملة ، يا الله ذكرك مو ذكر خلقك

تحب تساعد القريب و البعيد اللي تعرفه و اللي ما تعرفه ، كريمة قلبها ابيض

توفت الله يرحمها من سطعش سنة ، لكني احب طاريها لدرجة البعض يفكرها متوفية من اشهر

بصراحة عجزت القى ربعها في البشر

يمكن اخوي مريض الفصام قريب من اطباعها طيب و حكيم و غير متكالب على الدنيا حتى اطيب مني ربي يشفيه

هو يسامح و يغفر لكل من اساء له مو مثلي ، انا اتعب من الاساءة و حتى لو سامحت ما انسى ما اقدر

اوقات اقول يمكن عشانه طيب ربي بلاه هذا الابتلاء القوي لانه يحبه


اسأل الله ان يشفيه و يشفينا جميعا و يشفي مرضى المسلمين