نفساني - عرض مشاركة واحدة

05-05-2017, 01:45 PM

هلا بك سارة شاكرة مرورك و نثر عطرك

المشكلة ان ست سنوات ضاعت من عمري نوم

يشهد الله بدون مبالغة ان عدد ساعات نومي عشرون ساعة بالتمام يوميا ما تنقص منها دقيقة

راسي ما اقدر ارفعه ، عيوني ما اقدر افتحها ، لو يشيلوني يوقفوني أرجع اطيح ، فقط اربع ساعات اللي استيقظها و حتى بنص وعي لان الخمول مسيطر علي

تخيلي لدرجة مواعيد المستشفى افوتها و اضطر ارسلهم الصيدلية الخاصة جنب البيت و اشري الدواء على حسابي ، و اضطر اجدد الموعد مرات و مرات و مافي فايدة ، لو تنفجر قنبلة جنبي ما دريت عنها و لا قمت ،

اقلك بلا مبالغة لو اجبرت على اليقظة تلقيني نايمة بوضع الجلوس في اي مكان

غيبوبة مهما اشرحها ما احد يبي يصدق

حتى يوم استبدلوا العلاج بالبروزاك نفس الشي ، احتارت الطبيبة بامري تقول مع ان البروزاك يجيب اليقظة مو النوم

أكثر ما كان يحز بخاطري الفروض اجمعها الله يغفر لي

الله يعيننا على الدنيا و يدلنا فيها على ما ينفعنا في الدارين
و جميع المسلمين

اللهم آمين