من آلاف السنين لحد حوالي 100 سنة .. كان العلاج لبعض الحالات النفسية تقريباً ملوش وجود .. كان أي حد مصاب بأمراض نفسية زي ال Dissociative identity disorder أو ال epilepsy أو ال Psychogenic non epileptic seizures .. كان معروف بين 99 % من الناس إن ده جواه demon أو شيطان .. لإن حسب فهمهم المحدود كل الأعراض ( المخيفة ) للأمراض دي ملهاش أي تفسير إلا كائن مخفي اسمه الشيطان .. أعراض زي ( تشنجات عنيفة فعضلات الجسم .. رعشة شديدة .. نظرات زهول وصمت مفاجيء من المريض .. إصدار أصوت عالية وصريخ .. تغير في حدة الأحبال الصوتية وتغيّر الصوت تماماً .. وهكذا ) فكان الحل بالنسبة للناس دي معروف .. ألا وهو رجال الدين أو الكنيسة عامة .. كان السلوك المُتّبع هو اللي بنشوفه في الأفلام الأجنبي دلوقتي .. قسيس معاه إنجيل وصليب وبيقرا شوية تعاويذ عالمريض .. وبعد مرور فترة ( وبتبقى فترة انتهاء وقت التشنجات دي ) بيقول إن كدا ( اللي كان عليه شيطان ) خلاص الشيطان مشي من عليه ومشي هييجي تاني .. وطبعاً الحالة بترجع تاني بعد فترة لإن ( المريض ) متعالجش .. ولما بيجيبوله ( كذا قسيس ) وفي الآخر ( الشيطان لسه برضه مطلعش ) .. بيحبسوه أو بيودوه لمستشفى أمراض عقلية عشان اللي هناك يتعاملوا معاه .. وكان لقلة العلم ساعتها المستشفى نفسها بتعامله كإن فيه شيطان .. كان المرضى بيتربطوا زي البنت اللي في الصورة عاليمين .. متكتف ومربوط .. لحد مايفقد عقله تماماً أو يموت ..

- تمر الأيام .. والعلم يفهم إن دي أمراض نفسية طبيعية .. منها اللي سببه شحنات كهربائية زيادة في الدماغ ومنها اللي سببه الحالات النفسية القاسية اللي بيمر بيها بعض المرضى فجأة ومنها اللي سببه خلل وظيفي فجزء من الدماغ .. عرفوا إن العلاج موجود .. بدأوا يفهموه ويطوروا منه كل يوم .. ودلوقتي المستشفيات والعلم الحديث والمسح والتصوير الكهرومغناطيسي للدماغ خلت علاج المرضى دول أمر ممكن وبأدوية منتظمة وبجدول علاجي معروف المرض بيتعالج زيه زي أي مرض تاني ..

- لكن .. مازلنا في الشرق الأوسط متخلفين عن ملاحقة العلم ده

المصدر: نفساني