اقتباس:
المشاركة الأصلية كتبت بواسطة عبير الاهدل
السلام عليكم اخوي انا قريت كتير في المنتدى عن الحالات اللي تشابه حالتي بس ماني قادره اسيطر على الوضع من سنه صابني مرض الوسواس كنت في اجتماع وفجاه جاتني اعراض كانوا روحي تطلع وبعدها اصبت بالواسواس واتغلبت عليه من فتره وحملت والحمدلله وولدت وسيطرت ع الوصع يجيني بس اسيطر عليه وبديت احس بتحسن لين قبل تلات اسابيع تقريبا حلمت بجد زوجي وهوا متوفي من تلات شهور الحلم كان لخبطه ومو وضح بس اللي افتكره انه جا يكلمني ويقولي باخدك معايا انا بجي وباخذك بعد الاختبارات وكنت اصيح واقول مابغا اروح معاك قالي طيب خلاص بستشيرهم ورحت اتشكي لزوجي في الحلم ورد عليا يالله جدي يعرف انك موسوسه بالموت كيف يقولك كدا طبعا انا اول ماصحيت من النوم م افتكرت الحلم الا بعد دقايق والحين ماافتكر الحلم كيف كان شكلوا ايش التفاصيل بس اذكر الكلام دا ومن يومها رجعلي الوسواس بقوه والحين بدات الاختبارات واخاف من كلمة اختبارات وكل م اقول من الشيطان يوسولي انوا انا مختلفه عنهم انا ميت كلمني انا حموت بعد الاختبارات حيجي وياخدني نفسيتي تغيرت مرا مرا تبعانه من الفكره دي حياتي تغيرت وصرت عصبيه مع زوجي ومع بنتي الرضيعه وطول الوقت اتخيل ان بناتي يصيروا يتامه وهوما صغار تعبت مرا من اللي يدور براسي كنت والله بديت اتحسن رجعت حالتي اخص من اول بسبب الحلم كيف اقنع نفسي انوا حلم من الشيطان ع طول احسو انوا حقيقه واني مختلفه عن الموسوسين بجد شعور مؤلم
|
وعليكم السلام اختي الكريمة
هي بالعادة نوبة واحدة فقط كفيلة بتغيير حياتك للأسوء , حيث تبقى بالعقل الباطن ويبقى المريض حذر يترقب كل شيء يحدث معه سواء من أعراض جانبية جسدية او احلام او مواقف
اثرها سلبي كبير على الإنسان خصوصا إذا المريض ضعيف لا يستطيع السيطرة على الاعراض , وإني متأكد بأنك بخير 100% ولكن الأعراض والوسواس بالحقيقة امر مرعب إذا كان هناك تجاوب كبير منكِ
نفسية المريض تتغير كثير من ناحية العصبية وقلة النوم , وأي شيء تفكري فيه يترجع إلى أعراض جانبية خصوصا الجسدية , هكذا يريدك الوسواس بهذة الكيفية
لن تموتي بأذن الله أختي الكريمة , وكل ما عليكِ هو إتباع برنامج تحفيزي للواسوس القهري.
وفي نفس هذا الموضوع سوف تجدين الكثير من النقاشات والمواضيع الكثير سوف تفيذك بالتأكيد