نفساني - عرض مشاركة واحدة - صفحة للمتابعة من أجل العلاج السلوكي المعرفي للإكتئاب

07-05-2017, 11:49 PM

اختي العززييزة والغاليه صامدة كيف حالك ؟؟ اممم بالنسبه لاشياء السلوكية بقولك بعض الاشياء ي غاليتي ..

1- ابتعدي عن الاشياء السلبيه واياك والسلبيه .. ( الافكار السلبيه ابد ابد لا تتكرريها في مخك لا تقولين انك ماتقدرين ( حتى لو كنتي فعلا ماتقدرين ) وعادي اكذبي ع نفسك وقولي اقدر ) واي فكرة سلبيه تجي فبالك تعوذي من الشيطان واتفليها انتبهي انتبهي انتبهي من الافكار السلبيه ..

2- انتبهي من وقت الفراغ انتبهي منه انتبهي .. لازم تملئين وقت الفراغ باشياء مفيدة يعني لا يجيك وقت فراغ وتجلسين تفكرين مع نفسك انتبهي انتبهي تعلمي طبخات جديدة بوقت الفراغ .. بوقت الفراغ خلي لك جزء لتنظيف المطبخ مثلا تنظيف الدوالايب مسح البيت او غسيل الدرج او للرياضه مثلا وحاولي وانتي تسوي هالاشغال حطي سماعات باذنك مثلا واسمعي انشودة حلوة او قران مثلا يعني حتى الوقت يمشي وانت انجزتي بحياتك

3- كثفي ورددي دائما الافكار الايجابية قولي انا جيدة وقولي فبالك .. زوجي يحمد ربه اني عنده : ) وقولي انك ماشاءالله عليك محد قدك وانك قادرة على الانجاز وقادرة على التواصل انك ذكية

4- الطلعات حاولي تتمشين وبعدين المغرب حلوة لاتجلسن فالبيت كثير اطلعي تمشي روحي الشاطي او المزروع او حديقة تتغير نفسيتك وتصيرين افضل ان شاءالله وغيري جو روحي للاقارب او حتى لو اقارب زوجك تغيرين من الوقت وممكن مع الوقت تلاقي من تقضي معها اوقات جيدة ( اسفة قد تدخلت نوعا ما )

5- خصصي جزء من وقتك للقراءه روايات مفيدة او عن الحياه الزوجية او قصص الانبياء مثلا خصصي وقت لو نص ساعه يوميا القراءه مفيدة

6- اهتمي بالغذاء الجيد والاكل ابتعدي عن المشروبات الغازيه والمنبهات .. اهتمي تسوي تحاليل فيتامين د وفيتامين ب واهتمي بنفسك وكرري اهم شخص لك هو انتي ( انتي اهم شخص بحياتك والي لازم تهتمي فيه ) ثم فكري بالباقين ولايهونون بس اذا عززتي نفسك وشخصيتك وباهميتك عندها راح تقدري تعطي غيرك وتقدري تهتمي باطفالك وبالي حولك بس اهم شي نفسك زي ماقلنا ثم باذن الله تقدري تهتمي بالباقين ..

7- العبادة وهي اهم خطوة من الخطوات لازم تحافظين ع الصلوات خصصي جزء من وقتك لقراءة القران وحبذا لو تنضمين معنا في حملة قراءة سورة البقرة راح تستفيدين كثير واكثري من قيام الليل وان ضاقت عليك الدنيا وحبيتي تفضفضي ( افرشي سجادتك ولا تخلين اي شي بخاطرك وفضفضي وقولي كل الي بخاطرك لرب العالمين بنفس لهجتك وكلامك لا تغيريه نفس الكلام هذا الي تقولينه لنا وتفضفضين به لنا قوليه وانتي سااجدة ولا ترفعين من سجودة وباقي بخاطرك شي ) واحسني الظن بالله توكلي عليه سبحانه صدقيني ربي مايخيبك باذن الله تفائلي بالله سبحانه فهو القادر على كل شي هو سبحانه الي خلق سبع سماوات وخلق كل هالبشر غير عاجز جل جلاله ان يشفيك ويغير احوالك لامور افضل بكثير ان شااءالله لا تياسي ي صامدة وتفائلي به سبحانه باذن الله مايخيبك سبحانه ..

لازم نغامر ,سَارَة ,زينب عبد الجبار و 1 آخرون معجبون بهذا