نفساني - عرض مشاركة واحدة

11-05-2017, 06:09 PM

اقتباس:

المشاركة الأصلية كتبت بواسطة مستكفّة

كله كوم و الدلع اللي في الغزل الحجازي كوم
انت رجل من الزمن الجميل الله يحفظك
و انا اقرأ اشوف قدامي منظر الحبيب اللي ينادي حبيبته من ورا الرواشين يغني لها بفطرته بصدق احساسه.

سلمت استاذي .

ممازحة؛
ياهوه يامستكفه ،
حرام رجحتي الكفه ،
ينادي حبيبته من ورى الروشان،
يعني من زمان ،
يعني هذا اللي جالس يكتب ،
يستحق العطف والحنان .
اسمعوا ياجماعه
واسمعوا يا اخوان
انا ماني من زمان تحفه ومشقاص،
أنا من زمان سموره وبابا فرحان،
صحيح اذكر قبل طاش ما طاش
لكن برضه من زمن علي الطنطاوي.
صحيح اعرف الكنداسه ،
وعشت في الكندره،
وجماعتي في كيلو سته،
بس معليش ترى دخلت روضه
وماني من مواليد واحد سبعه ،
يعني انا ماني تفاحه مقشره على طبق ،
أنا تفاحه خضراء على الشجره .
لسه مانقطفت ولا لمستني حشره ،
أسر الناظرين ،
صحيح اسمي ابو عبدالله ،
لكن النفس خضرا.
القشطيني قال مره
الأدباء كالنساء يغرهم الثناء.
يامستكفه ياعيون جده
والله ترى كل دا مزحه ،
اعرف انك حساسه ،
وانك دحين محتاسه،
هذا لايكون زعل ؟
انا ماقصدت اللي قاله
فين ودى الكلام،
حرام والله حرام .
اعتقد في الختام
انو أصحاب المنتدى لازم يشوفوا حل
ويعملوا قسم جديد للناس اللي خارج التغطيه،
اللي مالهم حل مثلي.🤓

مستكفّة معجب بهذا