|
منوه جرب العلاح بالصدمات الكهربائية ؟
السلام عليكم :
أفكر أجرب العلاج بالصدمات الكهربائية اللي جربوا قبل خبروني بعد ما قمتوا من بعد العلاج هل اتذكرتوا ترجعون البيت بروحكم خصوصا أذا كنت اتسوقو سيارة يعني قمتم ادلون البيت و لا لأ؟
و هل يستلزم عقب الراحة بعد العلاج بالصدمات ؟!و هل يشترط وجود الأهل معاكم يوم اتسون و لا لأ؟لأنه أنه محد معاي غير رب العالمين أهلي سبب مرضي و هما مب شي و علاقتنا مع أهلنا مقطوعة و سطحية ،لاو أهلي يعايرون بالمرض النفسي و ما يعترفون بالعلاج و عندهم أنه أي شخص يعالج يعني مجنون ، و من بعد كم جلسة اتشافيتوا؟ أتريا تفاعلكم بليز و قولولي كل اللي تعرفوه عن العلاج و طرشولي عالخاص أو رسائل الأصدقاء أذا في مجال لأنه الصفحات يروحن و أقعد أدور المشاركة مالتي وين راحت بعد كم صفحة
ردوا علي بليز لأني وايد مضايقة و تعبانة وايد خصوصا أنه أغلب الأدوية قامت ما اتييب معاي أي نتيجة و تعبت وايد لدرجة أني تركت الوظيفة اللي هي مصدر رزقي و قوتي تعبت من كثر ما أعاني من 8 سنوات
|