المشاركة الأصلية كتبت بواسطة رعشني حضورك

اختي يارا
لا أجد تعليقا يليق بمقامك العزيز والله .. من جد احرجتني كلماتك واخجلني إطرائك بالحيييل ، وياليتني استاهل والله .

الوكاد انتي كائن مهم جدا في الحياة ، وانسانه لايفرط فيها ف المنتدى يشهد الله .. وعسى الله يهني أهلك وصديقاتك واحبابك بك وبوجودك في عالمهم وبقربهم .

الحمدلله ان الترحيبة راقت لك وسالفة يا لا لا ادري بعثرت الجو شوي بس مشي حالك .. أهم شيء اهلا هلا بك وكذا عرفتي هههههه

واللي كانوا يسولفون في جلسة أخرى ما اعرفهم وانا بجلسة ولا يسمعون صوتي .. بس اللي يرفع صوته ينسمع .
نظام الديوانيات للفائدة يمكن ان شاء الله يفتحون ديوانيات خاصة بالنساء وتجتمعين فيها انتي وصديقاتك ، بين كل جلسة وجلسة جدار طوله يتراوح من متر الى متر ونص .. والجدار طبعا يجي جميل مزخرف ومنقوش ، يعني يختلف عن الزنزانة ههههه
والديوانية تختلف عن المقاهي .. المقاهي فيها الشيشة والمعسل وروائحها النتنة اللي تضيق الصدر .. حتى العمال تعاملهم سيء ونظام شوارعي مافيه أدنى احترام .
بعكس الديوانية ، فلا تبيع لك إلا القهوة والشاهي والمشروبات الساخنة الأخرى وعندها الحلى بأنواعه وحتى القهوة تجيك في دلة والشغل رسمي والتعامل راااقي جدا والجو يشرح الصدر برائحتة الهيل والزعفران والنعناع والحبق .

ع فكرة في صالات مغلقة نسائية مشابهة لديوانيات الرجال .. فيها تكيات وتجمعات خاصة بكن .. رأيت منها ثنتين .
زوريها برفقة اهلك أو صديقتك .. ان شاء الله تستمتعين .
ارجو لك الحياة السعيدة ي يارا وأن يسعدك الله في الدنيا والاخرة .
كما وأشكر مشاعرك تجاهي وحسن ظنك بي .. الله يسخر لك الصالحين من عباده ويجعل طريق السعادة أمامك ميسر ويبعد عنك دروب الشقاء والنكد .. آمين ، ، ،