نفساني - عرض مشاركة واحدة

31-05-2017, 11:38 AM

اقتباس:

المشاركة الأصلية كتبت بواسطة جمانه علي

حسيت ما لي من اسمي نصيب .. نقرتين لعرض الصورة في صفحة مستقلة

حياتي كلها على هالسرير .. و اي خطوه ثانيه شبه صعبه .. ما لي مكان اروح له .. يا ليتني املك من امري شي

"لا يكلف الله نفس الا وسعها" و انا يا رب ما عندي قدره اكثر و لا طاقه فرجها يا رب هذا وعد منك انك ما تكلف نفس الا وسعها ..

لما كان عمري 4 سنين مرضت مرض مزمن مفاجئ الم اشبه بالعذاب و الحرق و انتفاخ في بطني اثناء رحلة العلاج المجهوله اللي استمرت8 سنين كنت اتقلى اسوا معامله من ضرب و تهديد رغم اني كنت طفله
كنت اسال نفسي انا ليش مريضه؟ كنت احسب ان انا سبب مرضي بسبب معاملة اهلي السيئه !! لما كانوا يعطوني الدواء كنت انضرب و اتكفخ لاني مريضه الكل كان ينفر مني .. من شدة الالم كنت اصارخ ما كنت اتحمل و فوق هذا بنفس الوقت انضرب و انهان...

لما يشتد الالم كنت احاول اختفي و محد يشوفني عشان ما اتعرض للضرب و المعامله السيئه ليما يدورون علي و يلقوني و ينعاد نفس السيناريو.. مرات كثيره كنت اروح انخش بالحمام و اقفل الباب و اقعد بروحي ساعات طويله كانوا يطقون الباب عشان اطلع مع تهديد و مرات لطف مزيف و كل مره يسكرون علي الليت و اقعد بالظلما .. كان الظلام عندي ارحم منهم نقرتين لعرض الصورة في صفحة مستقلة

ما ادري ليش هالذكريات ما تروح من بالي او لا هي موجوده من زمان في عقلي تصحى بين فتره و فتره !!

كنت اشوف نفسي بشعه و مخلوق سيء مكروه..

استمر تنقلي بين الاطباء حتى بعد ما كبرت كل يوم تطلع عله و كل واحد كان يشخص على كيفه..نسيت اقول ان مرضي و انا صغيره كان مجهول بالنسبه للاطباء رغم كل الفحوصات و التحاليل كنت فار تجارب جربوا علي كل شي ليما الله فرجها و الحمد لله..

الحين احس بحراره بجسمي على شوية برد .. اخذت ادويتي قبل شوي .. احس ابي اخذ اقوى حبة منوم و انام و افتك

كل ما قلت هانت و بتفرج القى نفسي ارجع للصفر .. .

انسى الماضي خلاص الماضي راح وانتهى بحلوه ومره
حاولي تشغلي نفسك بأي شي اذا ماتقدرين تطبخين وتتفنين
انشغلي ببرامج الجوال تويتر انستقرام