المشاركة الأصلية كتبت بواسطة حقبان

السلام عليكم ورحمة الله ,,

هذه اول مشاركة لي في الموقع واتمنى اني افيد واوستفيد

اخوي ابوعيون وكلنا ذاك الرجل - بدا يتفلسف - المهم مالك بالطويله ..


شف وانا اخوك انا ولله الحمد اعاني من الرهاب الاجتماعي من عام 1419 طبعا هذا وقت بدايت معاناتي وانعزالي عن الناس وفصلت من الثانوي

وعانيت من الرهاب سنين ووخيطت شوارع المملكة دوران وحداني ولكن سبحان الله رحت لمكة شهر ودعيت الله بالحاح , لان الله يبتلينا بهالامراض خاصة المؤمنين يبتليه ويجيه امراض او حوادث او مصائب لكي يمحص ذنوبه

ويرفع درجاته بالجنه كما قال الرسول صلى الله عليه وسلم (( عَجَبًا لأمرِ المؤمنِ إِنَّ أمْرَه كُلَّهُ لهُ خَيرٌ وليسَ ذلكَ لأحَدٍ إلا للمُؤْمنِ إِنْ أصَابتهُ سَرَّاءُ شَكَرَ فكانتْ خَيرًا لهُ وإنْ أصَابتهُ ضَرَّاءُ صَبرَ فكانتْ خَيرًا لهُ )) .

وفي حديث اخر قال رسول الله -صلى الله عليه وسلم-: (ما أصاب المؤمن من هم ولا غم ولا حزن؛ حتى الشوكة يشاكها إلا كفر الله من خطاياه).

الشاهد ياخوان ان هالدنيا هذي دار ممر وليست مقر وابعطيك معلومه انه خاصه الشخص المكتئب والرهابي دايم تجيه اوقات تسود الدنيا بعينه ويحس ان الدنيا ضيقه وخلاص كل شي ماله طعم

وسبحان الله بعد فترة تنفرج فمهما ضاقت بك ارجع لله وتب وقسم بالله تنفرج ان الله واسع عليم سبحانه ولو تصورنا ان هالدنيا كله ماتسوى عند الله جناح بعوضه كان مالتفتنا لشي غير العمل الصالح

وفي ذلك فليتنافس المتنانفسون وانا من هالمنبر انصح نفسي وانصحكم بمناسبة الشهر الكريم اننا نستغل هالاوقات لانه شهر مغفرة ورحمه لان الله اذا غفر لك ورحمك ادهشك بعطائه بالدنيا فكيف بالاخرة ,,

والحمدلله بعد ماكنت يأس من الحياة ويأس اني اتواصل مع الناس بشكل طبيعي حتى تخيل اذا جيت اكلم احد اضحك ضحك عصابي اجباري ييصير اللي قدامي يقول بنفسه وشفيه ذا يضحك ضحكه لا اراديه

ولكن الحمدلله ربي شافاني من الرهاب ورزقني الله بوظيفة ممتازه ورزقني الله بفلل وزوجات وعيال ومال وغير الوظيفه اطقطق بالتجارة والحمدلله على عطائه

والله يعينن على شكر ربي .

وبنفس الوقت مايمنع ان الواحد يتعالج بالادوية يشيلن الافكار العصابية ويراجع الاطباء بس التركيز الاساسي والتوفيق والعلاج الناجح هو بطاعة الله والمحافظة على الصلوات ,,

حتى اللي مافيه مرض اذا ما طاع الله يعيش حياة نكد وشقى , قال الله تعالى (( ومن اعرض عن ذكري فان له معيشة ضنكا )).


وارجع يابو عيون واقولك صلحها مع الله تصلح كل امورك والله يوفقنا وياك والمشاهدين للخير

وخذ هالحكمة من الشيخ علي الطنطاوي الله يرحمه (( أنّ وطن المسلم دينه فحيثما صاح المؤذن الله أكبر فثمة وطنه)).