نفساني - عرض مشاركة واحدة - زواج السعوديه من غير السعودي ( الأجنبي ).

04-06-2017, 05:23 AM

السلام عليكم ورحمة الله وبركاته

( يعطيكم العافيه ) لطرح مثل هذا الموضوع المهم لتعم الفائده ويصير المنتدى ذو نشاط 💞
ممكن أستفسر عن زواج السعودية من أجنبي ( مقيم و من مواليد السعودية )

أمممم بختصار أخوي ولي الأمر تبعي لان أبوي متوفي الله يرحمه أول خطوه رفع خطاب للموافقه ب زواجي من اجنبي كيف صيغة الخطاب ووو والله ماادري بعد اسبوع تقريباً قال اخوي تروحين لامارة منطقة الرياض القسم النسائي تشوفين وش يبون وكذا ورحت بعد انتظار دخلت ع المؤظفه عطتني اوراق لي و خطيبي قالت عبيها المهم هنا اوراقي مو عارفه وين اروح بالضبط ومو فاهمه لاهنتو ممكن تفهموني
أولاً:: معطيني ورقه ( مشهد اثبات سكن ) فيها تصديق العمدة و تصديق الشرطه وفيها مكتوب الرياض وانا مو من الرياض من محافظه تابعه لها وين القى العمدة والشرطه ايش اقول لهم
ثانياً:: طالبين تقرير طبي لحالتي الصحيه من مستشفى حكومي من وين اطلب من الاستقبال او اروح للطورىء او ايش
ثالثاً:: الصفه الشرعيه بالنسبه لصاحب الطلب إلي هو اخوي طالبين أثبات مافهمت كيف اجيب الاثبات
رابعاً:: في احد الاوراق كاتبين ( رقم الحاسب الألي ) من وين اجيب الرقم
خامساً:: للعلم انا لا موظفه ولا شيء في البيت جالسه يعني هي طالبه اثبات انو انا ربة منزل لا وظيفه ولا شيء من وين اجيب الاثبات هذا
سادساً:: هل لازم يكون معي صك ولايه لان ماعندي أبداً
سابعاً:: وايش المطلوب بعد ما اخلص الاوراق هذي ابي اخذ فكره للخطوه الثانيه لما اطلع للاماره مره ثانيه قسم النساء اعطيها الاوراق
وبس

ماعليش ماعليش ع الإطاله لكن الله يجزاكم خير لاتبخلون ب الرد السريع احتاج مساعدتكم لان عندي ظروف واخوي بعيد مافيه احد من اخواني عندي كبير يشوف موضوعي غيره
ممتنه للجميع والله يسعدكم و يوفقكم يااارب

وكلللللوش مبروووك لك من تم عقد القِران الله يوفقهم و يسعدهم ويجمع مابينهم على خير ويرزقهم الذريه الصالحه 💞