|
معاناة بصمت...كيف تسمعونها؟؟؟؟
السلام عليكم ورحمة الله وبركاته...
ألى الدكاتره المحترمين هذي مشكله من مشاكل توصلني وأسمعها وياليت أنكم تردون عليها بأقرب وقت...
لو الشخص فقد كل شي في حياته فجأة وبدون انذار مسبق
وجاته صدمه من أقرب الناس له....
......(كيف يقدر يعيش)؟؟؟؟؟؟؟؟؟؟
أنا مؤمنه أن كل مشكله ولها حل وكل شدة بعدها يسر..
بس اذا كانت المشكله هذي بكل يوم تكبر وتتعمق وتتعقد
والي الصراحه يقهر أنك تكون عاجز ولا تقدر تسوي أي شي
يعني تشوف الظلم بعينك وتسكت...
وتشوف الكل يستغلك وتسكت..
وتشوف الويل والضيم من كل الي حولك وبعد تتحمل وتسكت...
الحياة ماتمشي على وتيرة وحده ..الحياة تتذبذب بين فرح وحزن
عسر ويسر...
وصح صعب أن أي أحد يصدق أن في شخص بهالدنيا عايش ولا
كأنه عايش... يعاني في حياته من ألم وجروح وهموم تهد الحيل...
اذا كان الاحساس الوحيد الي يحسه هو الضياع..
مو قادر يلقى الشخص الي يحتويه..
وكل الناس تقرب منه بس عشان مصالحهم ...
وش يسوي في حياته...اذا كان الأمل موجود والصبر موجود..
اذا قال ماعليه خلي السفينه تبحر بما فيها زاد الحمل عليه..
واذا وقف وحاول يستوعب أو يفهم الي يصير طلع بصوره النكره..
البال دوم مشغول والقلب خالي..
دموع العين تبكي على حالي..
كيف ألقى نفسي وكل هاالهموم قبالي..
ما أطلب كثير ولا أبي أكون عن الناس عالي..
بس هذي هي حالتي وياليتكم تفهمونها وتساعدوني...
مع خالص تقديري أختكم(ملاك الغلا)
|