المشاركة الأصلية كتبت بواسطة مترجم احاسيس

من الطبيعي تمر فينا حاله ضعف وتهزمنا
وتخلينا نفكر حتي بالانتحار لكن السوال:
ليه مانصبر شويا والله مافي حال يدوم
وخاصه اذا كان شي نفسي تمرين فيه
كل الحالات النفسيه لها علاج
لكن ينقصنا التشخيص الصح
انا مريت بتجربه كنت اقول
مستحيل اني اخرج من اللي صار فيني
صرت مو حاس بنفسي ولا بشي حولي
لدرجه اني ما اقدر اساعد نفسي لاني
اساس مو حاس بشي
سبحان الله مع الصبر والعلاج والاصرار
خرجت من الحال ورجعت طبيعي ورجعت
افضل واقوي من اول..
ما احد رايح يقول يتهيئ ليكي
لان كل الاعراض النفسيه شي واقع مهما
كانت حالتك باذن الله بيجي وقت قريب
وتنتهي وياليت تشوفي تجربتي
وكيف كنت وفين وصلت الحمدلله
اذا العلاج اللي تاخذيه مو جايب نتيجه
غيريه بس لاتحكمي ع علاج اقل من شهرين
وباذن الله بتزول كل الاعراض اللي معك مهما
كانت وتذكري بين طرفه عين وانتباهتها الله يغير
من حال الي حال خليكي واثقه بربك لان الله
عند حسن ظن عبده فيه وكل ما احسنتي الظن
ان ربنا بيشفيكي كل ما كان الشفاء قريب باذن الله
معليش نتحمل التعب شوي مهما كان قاتل لانه بيزول
ومافي احد ما تمر عليه امور تغير حياته وتخليه
عايش بجحيم لكن مع الوقت تزول
وكل واحد فينا يشوف ان مشكله اكبر مشكله
ومافي احد يعاني قده لكن في حالات اصعب من حالتنا
وشفيت ورجعوا اصحاء..
اتمنا ليكي التوفيق والشفاء