|
القلق دمر حياتي وربي الي فيني مو طبيعي
اخواني لاحد يقولي رح لدكتور
لاني رحت لكم دكتور
على قولتهم اسأل مجرب ولا تسأل طبيب
اخواني قبل ابدا في الموضوع رجاء الي عنده تعليق سلبي يحتفظ فيه!!
بقولكم وش اعاني منه وابيكم تشخصون حالتي هل هي اكتأب هل هي هلع هل هي رهاب!!
بخش في الموضوع وبكتب لي الي قلبي
انا انسان اشيل هم اشيل هم كل شي واخاف
بعطيكم امثله
مثال كلمني البنك وقالي ترا تاخرت بدفع التقسيط ابدا خاف واقلق
واقول يمكن مقدر اسدد واذا ماسددت يوققفون خدماتي ويمكن انسجن طبعن تصرفي يكون مبالغ فيه اجلس اقلق ولا انام كويس
طبعن الي يصير وربي مو بيدي حاولت امنع القلق عجزززززت
بعطيكم مثال ثاني
مثال طلعت مع العيال وجلست مثلا امزح مع واحد واطقطق عليه
اذا رجعت للبيت اقول يوه يمكن يكلمني الحين ويقولي ترا مزح ثقيل ويجلس يعاتبني اجلس اقلق وربي
تكفون افهموني انا حياتي كلها هم في هم اشيل هم كل شي
ويضيق صدري واخاف
المشكله شخصيتي قدام الناس قويه ولله الحمد
لاكن من جوا لا قلقان جدددددددا
حتى في الدوام اذا جيت انام اقول يوه شكلي ماراح يجيني وبعدها اروح الدوام مواصل واقلق
الدكتور وصف لي لوسترال لاكن ماناسبني سبب لي مشاكل عضويه،،،
وقالي مالك الا الافكسور
وش رايكم !!
اذا مافهمتوني مساعد افهمكم زياده☺
|