نفساني - عرض مشاركة واحدة

18-06-2017, 02:29 AM

السلام عليكم ورحمه الله..

ما ادري من اين ابدا ,, لكن قصتي طويله وبحاول اختصرها,,

اخوكم كان مبتعث في امريكا ست سنوات.. المهم في اخر ٥ شهور بالتحديد ( خامس يوم في ٢٠١٧ )
تعبت لـ درجه الوسواس .. و رحت لـ كذا مستشفى في امريكا .. كنت احس بـ
- ضيق تنفس ( احس كان شي ثقيل ع صدري )
- ارتفاع نبض القلب لـ ١٧٠ او مرات اكثر وانا اكون جالس ساكن اتفرج ع التلفزيون لـ درجه احس راسي احسه ينبض من قو النبض
- صداع شديد لـ درجه احس ان بـ يغمى علي و افز
- رعشه بـ الاطراف اذا زادت عن حالها

و تشخيص المستشفيات الي هناك ,, كثيره منها ( التهاب في الاذن الداخليه , صداع نصفي , SVT ) لكن بعد عدة تحاليل و فحوصات طلع كلها نقتف ومافيني شي و سليم..

بـ الاخير قالو عندك انقزايتي اتاك او بانكـ اتاك,,

وعطوني نوعين دواء وهي عباره عن زنكس نص ملي ( وحده منها تسبب نوم و الثانيه لا عادي ) قالي اخذها وقت اللزوم حبه من اي نوع اسمائها
-alprazolam
-conazep

طبعا لما كنت بـ امريكا كانت تجيني الحاله بـ الاسبوع مره ومرات تاخذ اسبوعين ولا تجيني ,, واذا جاتني الحاله اخذ الحبه و خلال دقائق تروح واصير تمام

وعلى كلام الدكتور يقول انه بس ضغط دراسه وكذا اذا رجعت لـ السعوديه بتصير تمام ..و احتياط عطاني الدكتور كميه من الدواء تقريبا ٩٠ حبه
وانا الحين لي شهر هنا ,, من رجعت و حالتي تصير اسواء من قبل بـ كثييييييييييير وصارت تجيني كل يوم بالتحديد تجيني الحاله في الليل.. وصرت اخذ الدواء كل يوم

والله تعبت ومدري ايش اسوي .. و وين اروح و افحص هنا

وطبعا ما احد يعلم بالي انا احس فيه سواء اصحابي الي بـ امريكا او اهلي الحين..
لا حسيتها بـ تجي طلعت و ركبت سيارتي وجلست برى لين تروح ثم رجعت

ابي نصيحتكـم و مشورتكم ايش اسوي ( لا احد يقولي قول لـ اهلك لان شايل هالفكره من راسي ابد )

و شايل هم الدواء الي استخدمه لان قريت يسبب ادمان .. و بعد احتمال يخلص بعد شهرين
و بعد احتمال اقدم ع وظيفه و يطلبون تحاليل دم و يبين اني استخدم زنكس ويقلون اني استخدم مخدرات

ادري كلامي فوق ملخبط لكن اتمنى ان احد يفهمني

أبو عبادي معجب بهذا

المصدر: نفساني