المشاركة الأصلية كتبت بواسطة رياحين

لا اخوي بكامل الجسم احس جسمي من داخل مثل الي بيهتز بيرجف يعني احس في شي مو طبيعي
لمن كنت اتابع جلساتي مع الدكتورات النفسيه السلوكيه كنت بكل جلسه اسألهم دكتوره ليش هالرجفه او الاهتزاز الي احسه ماراح كان جوابهم بكل مره طنشي ومع الايام بتخف وبتروح وانا ملاحظه ولله الحمدلله اعراض كثيره راحت عني او نقول فتره تختفي وترجع الا هالعرض لسى مو جود
غير كذا ياخوي اذا يوم مانمت كويس تزيد عندي وتخف يوم تاني اذا نمت ورتحت
ايضا احيان اذا جيت ونمت عيني تغفى خمس دقايق فجئه اصحى مع العلم بكون توني مغمضى عيني ماصار لي شي افز ولاقي جسمي يهتز شوي قوي فالبدايه كنت اخاف وقوم من السرير وما ارضى ارجع انام
الحين عادي افز اخاف شوي وستغفر وقول الي ربي كاتبه علي بصير شوي لين انام

الله يسعد صباحك ياختي ويعافيك
صدقيني مثلك وباقي هذي الهزة تجيني مع بداية الغفوة وتهز جسمي كامل مرات اطنشها ومرات تصحيني واتعب ما انام بسببها الله المستعان طيب تستخدمي دواء؟

سؤالي لكم الحين مثلا جلست الصبح من النوم وطول اليوم تشتغلون وتتحركون ومايصير عندكم مجال انكم تريحون شوي بحيث انكم تتسطحو على السرير بعدين اذا جاء وقت النوم ونسدحتو اول ماتنسدحو
هنا ماتحسو جسمكم يرجف من داخل ؟ ماتحسو راسكم يهتز والعين كذالك تهتز والجبهه شوي لمن ترتاحو تخف ؟

نعم يا اختي والله بأشكال عدة وفي مواضع متفرقة بالجسم عادي لاتخافي

طبعا مره جاني وسواس خوفي وصرت ابحث عنها بالنت وش اسباب الرجفه باليد اليسار لانا الرجفه بدت معي بالاول فيدي اليسار وكنت ما اقتنع بالكلام الي اقرا وظل ابحث وكل ماقريت اخاف حتى لو كاتبين شي بسيط لين مره قريت اسبابها مرض فالقلب وهنا خفت بقوه وصار جسمي يرجف وصدقت القلب هو السبب
لين سألت اخت زوجي بما انها دكتورة وكان جوابها لا ذا بسبب التفكير والهلع بمرض القلب بما انه كان سبب الوسواس والمفروض ما ادقق بأيشي يصير لجسمي عشان ما اتعمق فيه
طبعا ما اقتنعت بكلامها ورجعت ابحث بالنت بما اني كنت مسويه كذا مره تخطيط وفحص للقلب والحمدلله كان كل شي سليم فمن ظمن البحث لقيت السبب الاعصاب ورحت فعلا يوم تاني الى دكتور اعصاب
جلس يضحك علي مثل دكتور القلب يقول انتي صغيره توك بداية عمرك ليه تفكرين بامراض اكبر منك تصيب ناس الكبار
اول ماصرت ابحث بالنت كنت اقراء اسباب الرجفه باليد اليسار نقص فيتامين دال او كثرث شرب القهوه ( وانا فعلا ذيك الفتره كنت اشرب قوهة عربيه كثير طبعا الحين مستحيل اشرب ودايم يجي فبالي لو شربت راح اموت ) اول ماشخصت دكتورة النفسيه حالتي تقول يمكن سبب دقات القلب السريعه الي جتك فجئه كثرت شربك للقهوة فصار عندي خوف ومتنعت عنها

الله يعافيك وألف سلامة عليك تعبنا هذا الوسواس اي الم ولا صداع ولاشئ نبدأ ندخل بدوامة الخوف من الأمراض وتعب وخمول بزيادة الله يشفينا جميعاً يارب 😪 والمشكلة تختلف الأعراض كل يوم في مكان تاني يارب فرجك ورحمتك آمين

وهذاني ياخوي مشي حالي معاها احيان اطنش واحيان تشغل بالي وغير كذا كانت قريبتي مثلي معاها وسواس وهلع اجاها قبلي شغلتنا طول اليوم يانتقابل ونسولف عن هالاعراض يا نرسل بالجوال وهي كانت تتكلم بطريقة سلبيه جدا فكنت اخد الطاقة السلبيه منها لدرجة كنت من اجلس معاها وسمع كلامها كم ساعة وجيني نوبة هلع الاعراض الي كانت تسولف لي عنها كلها تجيني لين مره قلت لدكتوره وطلبت مني ما اتكلم معاه بخصوص هذا الموضوع نهائيا خاصه اول نوبة هلع جتني من بعد سمعت منها الاعراض الي تحسها ونها اكيد فيها شي وراح تموت ووووو

الله يشفيك ويشفيها ويشفينا ومشكلة صحيح منتي ناقصة حد يزيدك على همك اللي فيك مكفيك المشكلة الثانية إنه في حال فضفضتي وزاد عليك همك تجي نوبة هلع مباشرة ع طول وممكن تكون قوية نحنا نحتاج هدوء ونوم معتدل ونبعد عن أي شئ يوترنا ويتعبنا اللي فينا مكفينا الله يعينك يارب ويقويك


والله كتبت كلام كثير اعذرني بس هالموضوع جدا تاعبني وماتدري شكثر ملخبط عندي يمكن البعض مو مثلي انا كنت كل مره تجيني نوبة الهلع يعطوني سبب لاعراض وكنت كل سبب لازم ارجع ابحث عنه لين يطلع الفحص حقه او التحليل
فالبداية
قالو ارهاق بسبب الولادة لاني تو والد كنت - بعدين الغذه وطلع التحليل سليم نقص حديد وطلع ماعندي نقص - كل مره اروح يعملو تخطيط للقلب وكان الحمدلله سليم - ( الحمدلله كان العلاج ع الشركة ولا كان فلست زوجي ههههههههههه ) هذا غير كلام الاهل والناس الي يق ل اكيد انتي مسحوره لا محسوده - ( وجلس ادور اعراض السحر ) - وناس تقول ذي هفه من الجن - وناس ووو خرابيط واجد وانا مسكينه اصدق وجلس ابحث عن كل شي وطبعا كل ماقريت خفت ومن الخوف جسمي يرجف واعراض كثيره تجيني دوخه نشفان بالحلق خوف المهم لين اخر نوبة هلع جتني طلبت اروح الى دكتور قلب ورحت وعمل لي فحص وطلع كل شي سليم ولله الحمد وطلب مني اتحول الى دكتوره نفسيه افضل .