|
فائدة الاندرال وهل هنالك افضل منه ؟
السلام عليكم ورحمة الله وبركاتة..
معكم زياد المطيري عمري 17 سنة
بالموضوع هذا بكون صريح ..
ياخوان والله م يحس بألم الرهاب الاجتماعي هذا الا من جربة
والله اسوأ مرض طحت فيه
والحمد لله اني م طحت اقوى في الاكتئاب ولا غيره ولله الحمد
لاكن احنا نعرف في المملكة العربيه السعودية
خصوصاً بالقبائل العريقة لنا عاداتنا وتقاليدنا
والي يجلس ببيته هذا باختصار - مثله مثل الحرمة -
والله ياناس قد م سمعت عن خالي يوم انه يتكلم عني
يعني شيء مؤلم يوم تسمع احد يذكرك بسوء
وانا المشكله زمان كنت والله جريء يوم كنت 10 سنوات وكذا
الين م طحت بالجوال والكمبيوتر والله م صرت اطلع من البيت بس الحين
بديت رحلتي ان شاء الله اعالج نفسي
وقررت اروح طبيب نفسي وافتك من الحالة ذي
عندي مليون عيب من الرهاب هذا
رعشات فالراس واليد ودق قلب سريع واحمرار في الوجه ونشفان في الحلق تلعثم بالكلام
كل شيء متجمع فيني
حاله صعبه وانا مجربها
رغم انها م تجيني الا باوقات معينه اذا كانت عزايم او اماكن نجلس فيها ضيقه زي المجالس والقهوه وكذا
انا بس ابغى شيء من الناس المجربة ..
انا بحثت عن الاندرال يقولون ممكن يساعدك تروح للعزايم وتختفي الاعراض
وهل هو مناسب لعمري ؟ من 16 الى 17 عمري
بينهم
وكم سعره انا الى الآن م سألت ولا رحت اشوفه
علماً اني بالسعودية ,
وكم الجرعه الي اخذها قبل الموقف او المواجهه
وهل اقدر اخذه كل يوم بجرعات 20جرام حسب كلام الدكتور عبد العليم
يعني الصباح والمساء 10جرام
واذا شريت اندرال 10 جرام ينفع اخذ حبه فالليل وحبه الصباح ؟ تصير 20جرام
ولا لازم 20جرام الدواء
واذا فيه ادوية اخرى افضل منه وم فيه اعراض انساحبية م تقصرون افيدوني جزاكم الله خير
|