سعييييد

بيانات اضافيه [ + ]

رقم العضوية : 56668  تاريخ التسجيل :  06 2017  أخر زيارة : 22-01-2018 (06:56 PM)  المشاركات : 2 [ + ]  التقييم :  10

لوني المفضل : Cadetblue

معناتي ولم اجد حل

السلام عليكم ورحمة الله وبركاته

اولا اشكر كل القائمين ع هذا المنتدى و الجميع الله يجزاكم الف خير ع ماتقدمونه

بطرح لكم قصتي من 8 شهور حتى الان

عمري 31 سنه غير متزوج

قبل 8 شهور من الان

في الصباح كالعاده رحت خذيت لي فطور وجلست افطر وانا اسولف مع صاحبي ع واتساب وبشكل طبيعي وضحك وسوالف

وفجئ حسيت بنقزه قويه بصدري كنه واحد ضربني بسكين لدرجة الجوال طاح من ايدي وانا فزيت من مكاني

بعدها جاني ضيق تنفس وضربات قلبي تتسارع بقوه ورحت حق امي و ابوي انا انفخ ماقدر اتنفس وبسرعه ودوني المستشفى وانا جالس اتشهد خلاص ماني متوقع اوصل

دخلوني الطواري وانا جسمي يرتعش بقوه وايدي اليسار ماحس فيها نهائي وتنمل

كان الضغط مرتفع شويه ودقات قلبي 177 اعطوني حبوب ماعرف ايش اسمه علشان يخفض لي نبضات القلب

بعد 45 دقيقه او ساعه جسمي هجد من الحاله الي فيني خذو علي كامل تحاليل وتخطيط قلب كلشي سليم و اكسجين سليم هنا طلع لي علامة استفاهم ؟؟؟؟؟؟؟

سالني الطبيب انت خايف من شي قلتله لا حد مزعلك قلتله لا اعطيته السالفه كيف جتني الحاله قال ان شاء الله خير

المهم طلعت من المستشفى ومزاجي حده متعكر وبعد 4 ساعات من طلعت من المستشفى يجيني ضغط براسي وعيوني ماقدر افتحها ومعدتي كنه شخص يعصرها لي

والبيت مكان في حد لدرجة طلعت برا البيت ابي حد اشوفه يوصلني المستشفى اتصلت ع ولد جيرانا وجاني بسرعه وشاف حالتي وانا بسياره التوي من قوة الي فيني وصلنا المستشفى

حطو تخطيط وكلشي وحبوب مخفض دقات القلب وشافني نفس الدكتور الي بصباح قالي وش فيك قلتله نفس الصباح بس الحين الحاله اقوى قلتله ضغط قوي براسي لدرجة ماقدر افتح عيوني كنه شخص ماسك معدتي يعصر فيها

قالي انت معك اي امراض قلتله القولون فقط وهذا من زمان اكثر من 5 سنوات

خذ تحاليل وقالي سليم قالي يمكن من القولون اعطاني حبوب للقولون بعدها طلعت

وثاني يوم جلست من النوم حدي تعبان والله ماكذب عليكم كني حامل العالم كله ع راسي من قوة الثقل الي فيه وعيوني يالله افتحها

جيت باكل لي شي اقسم بالله احس اني بقص في اكل ولا اقدر ابلع ودقات قلبي تزيد

لعنة الشيطان وقلت خل اتروش يمكن مزاجي يعتدل دخلت بتروش اول ماغسلت راسي حسيت بيغمى علي وجاني دوار غير طبيعي وطلعت من الخوف

وبعدها جتني الحاله الي قبل ضغط براسي وعيوني ماقدر افتحها الم ببطني خفقان ضيق شديد بتنفس وحلقي ناشف مرره

نروح المستشفى ونرجع ع ذا الحال بشكل يومي ونتايج سليمه
لدرجة قمت افكر اطباء في المستشفى يفكروني مجنون

حتى اهلي مستغربين من هذا الشي

وبعدها جتني الحاله وابوي وداني مسستشفى خاص الي هو مستشفى المانع

خذو علي تحاليل قالو سليم وحولوني ع اخصائي مخ واعصاب

وقلت له الحاله الي تجيني طلب مني اشعة راس + تخطيط راس
وطلب مني اراجع اخصائي للاذن

توكلت ع الله وخذيتها بملغ وقدره وبعد يومين تطلع النتايج سليم هنا خلاص تحطمت نفسيا

الدكتور قالي 100%100 مرض نفسي اسمه هلع

انا هنا عصبت قلتله بي حق تقول عني مريض نفسي شايفني مجنون ولا ايش

جلس يهدي فيني قالي من قالك مرض النفسي يعني مجنون بعدها مشيت ومن بعدها حرمت اروح اي مستشفى وقلت لهلي لو تشفوني اموت لاتودوني مستشفى ولاشي

ولا بناقص اسمع كلام ثاني باقي يقلون لي مدمن مخدرات ولا خمور

ومن الهم الي جاني بسبب ذي الحاله صرت كل يوم اروح المقبره اتمشى عند القبور قلت خلاص يومي مو باقي عليه شي

وجلست ع ذا الحال من تجيني ذي الحاله اجلس بغرفتي ولا اقول لحد ضليت فتره ع ذا الحال

وفجئ قبل رمضان راحت مني كل ذي الحالات ومزاجي تعدل وصارت نفسيتي مفتوحه لكلشي وجلست اشكر الله وبكي

ولكن بتاريخ 23 رمضان وانا كنت بسياره راجع للبيت جسمي قام يعرق وعيوني تزعلل وضغط براسي وقفت السياره وجلست اقراء قران وقام قلبي يخفق بقوه وشفت بقاله جنبي خذيت لي مويه خلاص حسيت بموت ريقي نشف

ضليت بسياره ساعه وهجد جسمي وصلت البيت واهلي شافو وجهي مره متغير عبالهم اني متهاوش قلت لهم جتني الحاله من جديد

من رمضان لحد الحين مزاجي متعكر والم براسي ومن اوقف كثير تجيني دوره واحس خلاص بيغمى علي وحتى النوم موعارف انام انام شوي واجلس ولا احس جسمي شاب نار ولا ببروده

والله حتى العيد من افشل العياد الي جتني بحياتي كلها

قبل يومين واحد من اعز اصحابي علمته بكل سالفتي قالي بقولك شي ولد عمي جاله نفس الي جالك
وطلع عنده مرض الهلع مرض نفسي وقالي انه تشافه منه ونصحني اروح و انا متردد

الكل يعرف مجتمعنا مايقصر من يشفون شخص داخل مستشفى النفسي قالو عنه مجنون ومن كذا انا رافض اراجع طبيب نفسي


ولا بعارف هل الي فيني مرض الهلع ولا ايش بالضبط اقسم بالله نفسيتي مرررررررررررره تعبانه

واذا الي فيني مرض الهلع هل اقدر اتعالج منه بدون مراجعت طبيب نفسي

وشكرا لكم

المصدر: نفساني