المشاركة الأصلية كتبت بواسطة ابوتركي جده

انا رحت لهاني الامين ماعنده زحمة وكشفيته ب 500 ريال وهو رئيس قسم العيادات النفسية في مستشفى عرفان وعادي يسمع للمريض وكويس بس ما ارتحت معاه ورحت لدكتور ثاني في عرفان اسمه علي اكرم اعتقد هذا من اسوء الدكاتره اللي صادفتهم في حياتي يصرخ وتخاصمت معاه واخر شي رحت لدكتورة سناء سالم عن طريق ناس دلوني عليها صحيح زحمة فضيعه بس الحمدلله وجدت الفايدة عندها بعد الله وتعطيني وقتي لين اخلص كلامي واذكر اني كنت اطفشها كل شوية ارجعلها وانتظر واكلمها وتسمعلي وساعدتني ورجعت لحياتي الطبيعية الحمدلله

كنت ما اقدر اقعد كنت اتضايق من اي صوت اتضايق من اي شيء وكان فيني تعب مايعلم فيه الا الله ولكن الحمدلله صبرت وتحملت الزحمة حتى دخلت لها وارتحت معاها وتحسنت يوم بعد يوم لين صرت بحالة جيدة ولله الحمد

انا انصحك لاني جربت قبلك بس مو عشان اي حاجةبالعكس بس نصيحة لوجه الله ما ابغا منك غير تكون بخير والله ي

اخر كلمة بقولها لك

تبي تصير بخير لازم تقاوم وتصارع لين تصير بخير لازم تروح لدكتور وتاخذ العلاج وتصبر على العلاج لين تتحسن

التحسن ماراح يجيك من يوم وليلة

ممكن يجيك بعد شهرين ممكن بعد ثلاثة ممكن بعد اربعه ممكن اكثر

عشان كذا لازم تصبر لين تجد العافيه

الله يشفيك ويساعدك