03-07-2017, 03:35 PM
|
#1
|
|
عضو جديد
|
بيانات اضافيه [
+
]
|
|
رقم العضوية : 56717
|
|
تاريخ التسجيل : 07 2017
|
|
أخر زيارة : 23-08-2017 (01:35 AM)
|
|
المشاركات :
9 [
+
] |
|
التقييم : 10
|
|
|
لوني المفضل : Cadetblue
|
|
موضوع مهم جدا يتعلق بمستقبلي وارجو المساعدة
السلام عليكم
انا عضو جديد
اول مرة اخش منتدي نفسي
..
انا عندي 17 سنة مصاب بالتلعثم والرهاب الاجتماعي تقريبا ، انا فاكر لما كنت في اولي ابتدائي كنت بتلعثم ، لكن الموضوع اختفي وظهر علي بداية 3 اعدادي ، وزاد جدا دلوقتي ، قبل كدا كنت بتهته و باحس باعراض الرهاب في مواقف معينة لما كنت بجاوب علي سؤال في درس السنتر او كنت بسأل سؤال لكن دلوقتي الموضوع زاد ، وبقيت بتجنب ارد علي التليفون او اطلب اكل من محلات عشان متعرضش للاحراج اثناء الطلب ، وياريت متتطلبش اني احاول اقحم نفسي في مواقف اجتماعية عشان صعب جدا ، وبيكون غصبن عني وينتج عنه مزيد من الحواجز ، ، فكرت اني اخد دواء لعلاج القلق و الرهاب لكن خايف من الادمان والاعراض الجانبية ، وخايف من النكسة اذا بطلت الدواء وان الموضوع يرجع لي تاني ، انا اول مرة ابعت رسالة ، ومقدرش اروح لطبيب نفسي دلوقتي خالص، انا كنت في 2 ثانوي وبكون شايل هم الحصص اللي هجاوب فيها ، مع اني بكون عارف الاجابة وبتكون موجودة قدامي بس مقدرش انطقها ، احساس صعب ودلوقتي بعد شهر بالتمام هخش 3 ثانوي ، وهيكون عندي حوالي 7 دورس بره البيت في السنتر اللي بيكون فيه 100 طالب ، ، فاعمل ايه؟ ؟!! ايه الحل؟ ؟ مقدرش استحمل اني اتهته وسط العدد دا وفي سنة مهمة زي دي مش هقدر انطلق في اني اجاوب ولا اسأل المدرسين في المنهج ، انا مش قادر اوصف احساسي ولا اكتبه في الرسالة ، رعب وخوف من اللي هيحصل في الدروس والمواقف المحرجة اللي هتحصل ، في حل ان التهتهة تختفي تماما؟! .. بسمع ان في ناس بتهته وفي مناصب مهمة ، ودا بيزيد احباطي انهم متخلصوش منها خالص ، وانا عن نفسي ضعيف الارادة و مش هقدر استحمل اني استمر في التهتهة ، ارجوك تعامل باهتمام مع الرسالة وياريت تكتب حلول مفيدة ومش مكررة عاوز اعرف ادوية تساعدني لعلاج الرهاب والتلعثم وبدون اثار جانبية وبدون ادمان وياريت توصف لي الجرعات ، اسف علي الاطالة وارجو السرعة في الرد شكرا....
ملحوضة وانا صغير كان عندي كهرباء زائدة بالمخ وقعدت 4 سنين اتعالج بعد الولادة مباشرة وتعافيت الحمد لله ، فهل دا له علاقة بالتلعثم او الرهاب
وهل في علاقة بالنلعثم وبين الرهاب
ارجوكم عاوز حل فاضل شهر علي الدروس ومش عارف اعمل ايه ، ، عاوز كل الحلول ، واسماء الادوية الكويسة وسعرها يكون كويس مش غالي وبدون اثار جانبية او ادمان
اسف علي الاطالة
|
|
|
التعديل الأخير تم بواسطة الاهلي المصري ; 03-07-2017 الساعة 03:38 PM
|