نفساني - عرض مشاركة واحدة

04-07-2017, 02:01 PM

اقتباس:

المشاركة الأصلية كتبت بواسطة جاسم اشكناني

والله ماقول غير يارب الفرج
تخيل ياخوي قبل شوي طلع قبولي بالوظيفه ورحت وانا بداخلي مكسور واقول بيني وبين نفسي ليش قام اروح وانا ادزي اني ماراح اداوم 😐😐😐

ماشاء الله تبارك الله ... ألف مبروك وعسى الله يهنيّك ويقويك

لا يا حبيبي راح تداوم وتغير هالوظيفة أشياء كثيرة معك بحول الله .. لأنها راح تشغلك بحول الله وتعينك

ترى والله حتى الإنسان الطبيعي يخاف من الوظيفة الجديدة .. يخاف من النقل .. سواءا في وظيفة أو مدرسة أو بيت .. الإنسان بطبعه يتوتر من التغيير في حياته والروتين اللي متعود عليه ... ولكن صدقني البني آدم عنده قدرة عظيمة في التأقلم مع كل تغيير يطرأ على حياته .. لذلك لا يثنيك الشيطان عنها من شان يستفرد فيك بالبيت

دف عمرك واصبر .. وصدقني إن شاء الله راح تعرف قيمة صبرك ومثابرتك في المستقبل وانك ما انثنيت لمخاوفك وانطويت عليها .. عاند أفكارك حتى ولو انك تخاف منها

الله ييسر أمرك

..