المشاركة الأصلية كتبت بواسطة رياحين

رأي دامك قررتي تاخدين دواء معناتها
اعلنتي استسلامك وضعفك
معقول منتي قادره لو 1% تتخطي الاعراض الي تحسي فيها ؟
اقول لك اقتراح ابتعدي شوي عن المنتدى وبتعدي عن اي برنامج لتواصل
خدي لك استراحه منهم وريحي بالك شوي انتي لمن تجي هنا وتكتبي انا بحس بدوخه ويرد عليك احد الاعضاء لاتخافي يا هديل ذي مجرد اعراض الوسواس
انتي كيف تصيري هل ترتاحي فعلا ؟ ولا مجرد راحه بسيطه وترد الاعراض ترجع لك بعد ساعة ؟
طيب لمن تجين هنا وتقري العضو الي قبلك كاتب بيحس بكذا وكذا انتي طبيعي بتخافي وايضا راح تحسي بنفس الاعراض المكتوبة
فالافضل تاخدين لك راحه من كل البرامج الي ممكن تقرين فيها شي يتعبك سواء عن المرض او الموت
والاهم من هذا يا اختي خلك قويه ترا الضروف الي مريت فيها انا يمكن ماتجي جنب ضروفك ومع ذالك كل يوم احاول اكون اقوى من اليوم الي قبل مو بس عشان نفسي لا انا عندي طفلين الله يحفظهم لازم اكون قويه عشانهم
وانتي بعد يا هديل لازم تكوني اقوى مني
انتي قريب فرحك بتدخلي حياه تانيه حياه جديده جميييله
لازم تكوني متفائله وسعيده ، اقسي على حالك وكوني قويه صدقيني زوجك بعدين مارح يتحملك وخديها نصيحه مني
الرجال الله يهديهم مايحبون الحرمه المريضه والي دايم تعبانه
اصرفي عنك فكرة الدواء وجيبي لك دفتر وقلم وخلي عندك اراده قويه
وكل يوم اول ماتصحين الصبح حطي لك جدول بحيث تغيري روتين حياتك ضيفي شي جديد يشغلك عن هالافكار والوساوس اقري كتب عن الزواج وكيف تاسسين بيتك وقبل ماتنامين اكتبي كيف كان يومك وقيمي حالك واذا ماشفتي النتيجة الي ترضيك اعملي لنفسك عقاب مثلا تحرمين نفسك من الجوال طوال اليوم وهكذا لمدة شهر مثلا وشوفي كيف نفسيتك تصير هل في تحسن او لا بس اكرر لك لازم تكون عند اراده قويييييه

( والله يا ما مرت علي ليالي صعبه ومع ذالك مافكرت بعلاج الادويه
تخييلي فجئه اقوم عند اهلي اصرخ وصيح انا بموت ودوني المستشفى
محد فيهم يهتم لي يشوفوني كيف اقوم مفزوعه ومع ذالك يجلسون يتفرجون علي محد فيهم يقوم يطبطب علي ويهديني ولاحد يفكر ع الاقل يقراء علي قران كان ارتاح وامي كانت تزيد علي بكلمها كانت تقول اذا هذا يومك محد يقدر يمنعه وانا يزيد خوفي وتزيد نوبة الهلع عندي لين اتعب ونام
هذا غير زوجات اخوي الي كانو يشوفوني ويروحون ينقلون لناس عن حالتي
المهم ماعلينا

في فلم للاطفال عن كيف عقلنا يتحكم بحواسنا
كيف لمن نغضب ونزعل ونفرح
انصحك تتفرجي عليه مره جمييل وانا متأكده راح يعجبك
الافضل لو تشاهدي لوحدك بدون مايكون في اطفال تزعجك
ان شاء الله اذا صحيت بشوف لك اسمه
وعلى فكره هالفلم دكتورتي النفسيه كانت طالبه مني اشاهده
بس اني كنت مشاهدتنه فالسنما اول مانزل قبل ماتطلب مني